Komisioni i Jashtëm "Ok" kandidatëve për ambasador në Rusi dhe Arabinë Saudite

Komisioni parlamentar i Politikës së Jashtme shprehu sot mbështetjen për dy kandidaturat për ambasadorë të Republikës së Shqipërisë në Mbretërinë e Arabisë Saudite dhe në Federatën Ruse.

Komisioni i Jashtëm zhvilloi seanca dëgjimore me kandidatin Sami Shiba, i propozuar për postin e Ambasadorit në Mbretërinë e Arabisë Saudite rezident, si dhe ambasador jorezident, në Mbretërinë e Bahreinit, në Sulltanatin e Omanit dhe në Republikën e Jemenit.

Ndërsa Arben Gazioni është propozuar nga Ministria e Jashtme si kandidat për ambasador në Federatën Ruse rezident, dhe ambasador jorezident në Republikën e Bjellorusisë, të Kazakistanit, si dhe në Republikën e Uzbekistanit.

Pas prezantimit të tyre nga sekretari i Përgjithshëm i Ministrisë së Jashtme Qirjako Qirko, dy kandidatët paraqitën prioritetet në misionet e ardhshme diplomatike në këto vende.

Kandidati për ambasador në Mbretërinë e Arabisë Saudite, Sami Shiba, tha se krahas përpjekjeve për intensifikimin e marrëdhënieve dypalëshe, puna e tij do të përqëndrohet dhe në lobimin për njohjen e pavarësisë së Kosovës, nga ato vende të Gjirit që nuk e kanë njohur ende.

Ndërsa kandidati për ambasador në Federatën Ruse, Arben Gazioni e vuri theksin tek dinamizimi i marrëdhënieve mes dy vendeve, të cilat, tha ai, kanë qënë të ndërvarura nga politika. Sipas tij, çështja e Kosovës, anëtarësimi i Shqipërisë në NATO dhe kriza ukrainase janë probleme që reflektohen dhe në marrëdhëniet dypalëshe. 

Gazioni tha se mes dy vendeve janë nënshkruar 51 marrëveshje dypalëshe, ndërsa mungojnë shkëmbimet politike. Kandidati për ambasador në Moskë nënvizoi rëndësinë e gjallërimit të marrëdhënieve me Rusinë, si një vend anëtar i përhershëm i Këshilli të Sigurimit, por dhe për potencialin e madh ekonomik të tij. Gazioni e vuri theksin tek nxitja e bashkëpunimit me palën ruse sidomos në fushën e bujqësisë, të sektorit minerar, etj.

Moikom Zeqo: Berisha më shkarkoi nga puna pse mbrojta 29 Nëntorin

15:26 Politika

Basha: Zbulimi i dëshmitarit të vrasjes së komisarit Lamaj u urdhërua nga Rama

14:46 Politika

Mazhoranca nis procedurat për plotësimin e vendeve vakante në AMA

13:52 Politika

Visho Ajazi: SHISH nuk ka përgjuar askënd në mënyrë të paligjshme, duan të na denigrojnë

13:18 Politika

Mark Marku: Kuvendi i PD ishte qesharak, tregoi idhujtarinë për Berishën

12:55 Politika

A po kthehet në “Luftë Civile”edhe përvjetori i Luftës

12:39 Politika

Miratohen masat në regjimin fiskal të Bio-Dieselit/ Qeveria ndryshon akcizën për duhanin

12:42 Politika

Hetuan 3 deputetët, Llalla transferon prokurorët

11:58 Politika

Nishani: Reformat e suksesshme kusht për integrimin

11:22 Politika

Presidenti i PPE takon Bashën/ Daul: Do ti kërkoj Komisionit Europian të hetojë dhunën e ushtruar në Parlamentin shqiptar

11:17 Politika