By-Pass i Vlorës, Qeveria miraton shpronësimin e pronarëve që preken nga ky segment

Qeveria miraton vendimin për shpronësimin, për interes publik, të pronarëve të pasurive të paluajtshme, pronë private, që preken nga ndërtimi i segmentit rrugor “By-pass Vlorë”. Sipas vendimit, shpronësimi bëhet në favor të Autoritetit Rrugor Shqiptar.

Pronarët e pasurive  të paluajtshme, që shpronësohen, të kompensohen në vlerë të plotë, sipas masës përkatëse që paraqitet në tabelën bashkëlidhur këtij vendimi, për tokë “arë”, “truall”, “pyll” dhe “kullotë”, me vlerë të përgjithshme shpronësimi prej 51 483 381 (pesëdhjetë e një milionë e katërqind e tetëdhjetë e tre mijë e treqind e tetëdhjetë e një) lekësh.

Vlera e përgjithshme e shpronësimit përballohet nga buxheti i vitit 2014, zëri “Shpronësimet”, planifikuar për Autoritetin Rrugor Shqiptar.

Likuidimi i pronarëve nga Autoriteti Rrugor Shqiptar të fillojë pas çeljes së fondit të përcaktuar.

Pronarët e pasurive, për të cilat është bërë shënimi “Konfirmuar nga  ZVRPP-ja”, të likuidohen, për efekt shpronësimi, në bazë të dokumentacionit të plotë të pronësisë që do të dorëzojnë pranë Autoritetit Rrugor Shqiptar.

Zyra Qendrore e Regjistrimit të Pasurive të Paluajtshme dhe Zyra Vendore e Regjistrimit të Pasurive të Paluajtshme Vlorë, brenda 30 (tridhjetë) ditëve nga data e miratimit të këtij vendimi, në bashkëpunim me Autoritetin Rrugor Shqiptar të fillojnë procedurat për hedhjen e trupit të rrugës në hartat kadastrale, sipas planimetrisë së shpronësimit, që do t’u vihet në dispozicion nga Autoriteti Rrugor Shqiptar, dhe me fillimin e procesit të likuidimit të fillojë dhe procesi i kalimit të pronësisë për pasuritë e shpronësuara në favor të shtetit.

Zyra Qendrore e Regjistrimit të Pasurive të Paluajtshme dhe Zyra Vendore e Regjistrimit të Pasurive të Paluajtshme Vlorë të pezullojnë të gjitha transaksionet me pasuritë e shpronësuara deri në momentin kur do të realizohen procesi i hedhjes së trupit të rrugës në hartat kadastrale dhe kalimi i pronësisë për pasuritë e shpronësuara.

Ngarkohen Ministria e Transportit dhe Infrastrukturës, Ministria e Financave, Autoriteti Rrugor Shqiptar, Zyra Qendrore e Regjistrimit të Pasurive të Paluajtshme dhe Zyra Vendore e Regjistrimit të Pasurive të Paluajtshme Vlorë për zbatimin e këtij  vendimi.

INSTAT: Në shtator inflacioni ra në 1.5 %

16:38 Ekonomia

Rama dhe Haxhinasto inspektojnë punimet në aksin Durrës-Plepa-Vlorë: Jo më pamje si në Kandahar, do ta rilindim

13:58 Ekonomia

Raporti i BSH: Ecuria e sistemit bankar dhe financiar të qëndrueshëm dhe me trend në rritje

13:19 Ekonomia

Panariti ka të drejtë. Shifrat dëshmojnë se mbeturinat e miellit vijnë nga Serbia

12:25 Ekonomia

Shkaqet e rënies ekonomike

18:40 Ekonomia

Haxhinasto inspekton punimet tek terminali në Kashar dhe tek Porti i Durrësit

16:18 Ekonomia

Dëmshpërblimi i ish të përndjekurve/ 15 milionë dollarë do të shpërndahen deri në fund të vitit

14:25 Ekonomia

Ahmetaj: Ekonomia drejt konsolidimit

14:17 Ekonomia

Energjia, prodhimi i ulët për shkak të prurjeve më të pakta

13:00 Ekonomia

Kriza në Greqi e Itali, 133 mijë emigrantë u kthyhen në Shqipëri për 4 vjet

11:53 Ekonomia