Rama inspektim në Shkodër: Projektet urbane mbyllen para sezonit turistik 2015

Kryeministri Edi Rama inspektoi të tjera projekte publike për rehabilitimin urban, këtë radhë në qytetin e Shkodrës dhe në disa komuna të  saj.

Ndalesa e parë e kryeministrit ishte në Velipojë, ku inspektoi punimet për ndërtimin e shëtitores që ka nisur në shtator 2014.

Me një investim 55 milionë lekë po bëhet zgjatimi i shëtitores ekzistuese përgjatë vijës bregdetare në 2600 metra linearë dhe zgjerimi i saj deri në 8 metra gjerësi, e cila do të shërbejë jo vetëm si zonë rekreacioni për pushuesit, por dhe si një vijë ndarëse me pjesën ranore, me ndërtimin e mureve mbrojtëse.

Velipoja është ndër qendrat e rëndësishme turistike të vendit. Me statusin e një zone natyrore e mbrojtur, Velipoja pret çdo vit me mijëra pushues vendas e të huaj.

Përmirësimi i infrastrukturës turistike merr një rëndësi të veçantë jo vetëm për rritjen e standardeve të ofrimit të turizmit, por edhe në rritjen e të ardhurave të komunës dhe të jetës ekonomike të 20 mijë banorëve të saj.

Kryetari i komunës Pashk Ujka kërkoi angazhimin e qeverisë për përfundimin e të gjithë shëtitores, për të cilën mori mbështetjen e Kryeministrit. Përfundimi i saj përpara fillimit të sezonit të ri turistik, u përcaktua nga Kryeministri si një objektiv i rëndësishëm.

“Me patjetër do ta plotësojmë investimin. Do ta shtojmë fondin menjëherë. Synojmë përfundimin e të gjithë projektit përpara fillimit të sezonit, duke krijuar murin mbrojtës për pushuesit, ku ndahet përfundimisht njeriu nga makina, kur vjen në plazh, duke krijuar murin mbrojtës për ndërtimet pa leje, edhe pse në periudhën e fundit, me futjen e policisë në këtë proces ka një rënie të jashtëzakonshme të numrit të ndërtimeve pa leje”, u shpreh kryeministri.

Me ndarjen e re administrativo-territoriale, Velipoja i bashkohet Bashkisë së Shkodrës dhe ndërtimi i rrugën lidhëse midis qytetit dhe plazhit, për Kryeministrin Rama, do të sjellë një transformim të madh ekonomik e social për gjithë zonën.

“Kjo është një zonë që kërkon një proces legalizimi për shtëpitë e dyta. Që kuptohet, nuk janë në kategorinë e legalizimeve falas, por janë në kategorinë e procesit të legalizimit, sidoqoftë. Duke pritur që ju të përfundoni procesin e masterplanit të Velipojës, sepse Velipoja tanimë i bashkohet Shkodrës dhe krijohet një bashki e re me një potencial të  jashtëzakonshëm ekonomik dhe turistik. Objektivi strategjik afatmesëm është që të ndërtojmë dhe rrugën lidhëse midis qytetit dhe plazhit, duke sjellë një transformim të madh nga pikëpamja ekonomike për gjithë këtë zonë dhe duke i dhënë Bashkisë së Shkodrës, një motor plus ekonomik dhe social. Kështu që të vazhdojmë punën me këto ritme, që të presim sezonin tjetër me një tjetër kualitet,” nënvizoi kryeministri.

Duke lënë Velipojën, kryeministri iu drejtua qytetit të Shkodrës, për të inspektuar ecurinë e projektit për rikonstruksionin e rrugës Shkodër-Shirokë.

Rruga 3.3 kilometra, kalon në një zonë panoramike që fillon nga Ura e Vjetër e Bunës dhe përfundon në Shirokë. Me projektin e ri ka nisur zgjerimi i rrugës deri në 5.5 metra dhe me të gjitha elementet e infrastrukturës bashkëkohore, investim rreth 160 milionë lekë. Ajo pritet të sjellë lehtësimin e fluksit të lëvizjes në këtë zonë, e cila e shtrirë pranë Liqenit të Shkodrës është ndër më të frekuentuara nga qytetarët e Shkodrës dhe jo vetëm.

Më pas, Rama vazhdoi drejt komunës Rrethina ku  u njoh me ecurinë e investimit prej 31.3 milionë lekë të nisur në muajin gusht të këtij viti, për rikonstruksionin e rrugës së qendrës Grudë e Re-Qendër Golem.

Kryeministri Rama bëri një ndalesë në stadiumin e Shkodrës, për të cilin shprehu keqardhjen për gjendjen e mjerueshme në të cilin ndodhet.

Vizita në Shkodër mbaroi me një premtim të kryeministrit për sportdashësit e këtij qyteti, se stadiumi do të kthehet në arenën e dytë europiane në Shqipëri.

Gjyqtarët reagojnë ndaj akuzave: Po denigrohemi dhe etiketohemi të gjithë si të korruptuar

15:39 Politika

Përgjimet/ Meta: Ranë në kurth ata që i bënë. Kush shkeli ligjin, përgjegjësi

14:42 Politika

PD çon në Kushtetuese ndarjen e re territoriale/ Bylykbashi: Rama-Meta synojnë fitimin e zgjedhjeve në tavolinë

13:06 Politika

Naço: S’kam axhendë personale për të sulmuar gjyqtarët. KLD qëndrim refraktar ndaj magjistratëve të rinj

12:26 Politika

FRD mbledh Asamblenë/ Topi: Bajlozët e politikës çuan sistemin e drejtësisë në krizë

12:12 Politika

Paloka: Rama-Meta përjashtuan PD nga delegacioni shqiptar në Unionin Ndërparlamentar

11:59 Politika

TV Klan sulmon ashpër Bashkinë e Tiranës. A është ky konfirmim i ftohjes Frangaj-Basha?

11:37 Politika

PD akuza Ramës: Po përhap frymën e dhunimit të institucioneve

11:16 Politika

Rilindja e qyteteve/Rama: Synojmë transformimin e njësive vendore

11:08 Politika

Rama: Tirana konkuron me Kandaharin, në garë kush i ka trotuaret më të pakalueshëm

10:36 Politika