Rrëzohen kandidatët e Nishanit për Gjykatën e Lartë

Komisioni parlamentar i Ligjeve u përfshi nga debatet në mbledhjen e sotme, ndërsa diskutoi mbi kandidaturat e Sokol Ngresi dhe Elona Stavri të propozuara nga Presidenti i Republikës për anëtarë të Gjykatës së Lartë.

Ndërsa deputetët socialistë u shprehën kundër miratimit të dekreteve të Nishanit, ligjvënësi i LSI-së Spartak Braho shprehu rezerva për një qëndrim të tillë.

Më parë Braho kishte drejtuar akuza ndaj presidentit Bujar Nishani, njëkohësisht kryetar i KLD-së.

Deputeti Spartak Braho e konsideroi Nishanin si nënën e të këqijave në sistemin e drejtësisë.

Shkak sipas socialistëve për mos miratimin e dy dekreteve është fakti se Kreu i Shtetit nuk është konsultuar me Kuvendin për përzgjedhjen e kandidatëve.

Deputeti Ulsi Manja kërkoi rrëzimin e dekreteve të Presidentit, duke u shprehur se në propozimin e dy kandidaturave Kreu i Shtetit i është referuar vetëm anës formale të ligjit, dhe nuk ka zbatuar ndryshimet e ligjit për Gjykatën e Lartë.

Edhe deputetët Dashamir Peza e Blendi Klosi u shprehën se Presidenti ka shkelur procedurën në propozimin e kandidaturave, duke thënë se kjo është edhe arsyeja pse këto dekrete janë rrëzuar.

Por nisur nga këto diskutime, kandidati Sokol Gresi tha se është përzgjedhur në mënyrë të rregullt, ndërsa shtoi se ka kandiduar për këtë detyrë vazhdimisht që nga koha kur president i vendit ishte Bamir Topi.

Deputeti Braho duke ndërhyrë tha se Komisioni po rrëzon kandidatë shumë të mirë për anëtarë të Gjykatës së Lartë, ndërsa shtoi se nuk ka asnjë arsye për të mos votuar për kandidaturën e Ngresit. Pavarësisht rezervave të shprehura ndaj procedurës së ndjekur nga Nishani, Braho ka votuar pro kandidaturës së Ngresit. Sipas deputetit të LSI-së, Kuvendi nuk duhet të shpresojë se ky President do të respektojë procedurat dhe anën ligjore.

Ndërsa kandidatja Elona Stavri tha se pengesa e vetme për kandidimin për anëtarë e Gjykatës së Lartë ka qenë ligji i vjetër.

Të pyetur nga deputeti Pirro Lutaj lidhur me perceptimin e tyre për sistemin e drejtësisë, dy kandidatët vunë theksin në rëndësinë e reformimit të sistemit gjyqësor.

Sipas kandidates Stavri, duhet bërë përpjekje për përmirësimin e imazhit të sistemit të drejtësisë dhe për rikthimin e besimit tek ky sistemin.

Ndërsa kandidati Ngresi tha se “sistemi gjyqësor nuk mirëfunksionon vetëm përmes gjykatave. Reforma në gjyqësor do ndikojë në uljen e perceptimit të korrupsionit. Duhet të rishikohen ca ligje si Kodi Penal, Kodi i Procedurës Penale”.

 “Duhet kontributi i të gjithëve për imazh të mirë. Ka pasur probleme me vendimet unifikuese të Gjykatës së Lartë. Ajo që perceptohet vjen si shkak i paaftësisë së sistemit”, deklaroi kandidatja për Gjykatën e Lartë Elona Stavri.

Në ditë më parë, Grupi parlamentar i Partisë Socialiste vendosi të rrëzojë dekretet e Presidentit të Republikës për dy gjyqtarët e Gjykatës së Lartë, Sokol Ngresi dhe Elona Stavri. /gj.k/

Ligjet miratojnë Albana Shtylla dhe Vangjel Kosta si anëtar të KLD/Braho: Nishani, nëna e të këqijave

13:37 Politika

Basha: Qeveria të ndalet në rrugën e së keqes, ndryshe do e ndalim me forcën e sovranit

13:03 Politika

Kryetari i AMA, seanca dëgjimore me kandidatët/Peza: Pas këtij procesi, do të zgjedhim bordin e RTSH

12:44 Politika

Festa Kombëtare e Greqisë përkujtohet me tensione dhe protesta në Këlcyrë

11:55 Politika

Lojërat e fatit, bllokim i llogarive dhe pasurive të palujtshme atyre që nuk paguajnë taksat e shtetit

11:26 Politika

Detajet e një krimi makabër në Gjirokastër

11:19 Politika

Brace: Energjia, jo skemave që favorizojnë të pasurit

10:58 Politika

Naço: Tahiri iu ankua Nishanit për gjyqtarët, që ky i fundit të mos thoshte se po bëjmë presion politik

10:36 Politika

Mediat turke: Xhamia e madhe e Tiranës do të financohet nga qeveria turke

10:12 Politika

Biznesmeni Hajredin Fratari: Arrestimi im nuk ishte hakmarrje e Ramës

10:01 Politika