Stano: Palët politike në Shqipëri të gjejnë dialogun në Kuvend

Komisioni Europian po e ndjek nga afër situatën politike në Shqipëri dhe palët politike duhet të rivendosin dialogun në Parlament.

Kështu u shpreh Petr Stano,duke kujtuar nxitjen që Stefan Fyle, Komisioneri për Zgjerimin i bëri palëve politike muajin e kaluar, gjatë vizitës në Tiranë.

 “Një nga fjalët më të përdorura për Shqipërinë gjatë gjithë këtyre viteve ka qenë kompromisi dhe dialogu konstruktiv. Kur komisionari Fyle ishte muajin e kaluar në Shqipëri, ai nxiti të dyja palët që të rivendosin dialogun politik në parlament.

Edhe në progres raport kemi theksuar se opozita dhe qeveria nevojitet që të krijojnë kushtet për të rivendosur dialogun politik kryesisht në parlament. Sepse në demokracitë e maturuara vendimet politike debatohen dhe merren në parlament. Ky është mesazhi që ka qenë, është dhe do të vazhdojë të jetë edhe pas mandatit të këtij komisioni”, tha Stano.

Në vijim ai shtoi se  Shqipëria është një vend kandidat që nga qershori i këtij viti dhe monitorimi ndaj këtij vendi është rritur.

“Edhe pritshmëritë janë rritur se që të sillet dhe të veprojë në një mënyrë me Europiane. Si një vend kandidat, Shqipëria është duke u përgatitur për etapën tjetër që është nisja e negociatave.

Tani vendet anëtare, komisioni etj, po shikojnë sesi Shqipëria po ecën apo si po përgatitet për nisjen e negociatave. Çfarëdo që politikanët bëjnë, krijojnë imazh për vendin e tyre dhe veprimet e tyre do të merren në konsideratë kur vendet anëtare të nisin bisedimet për nisjen e negociatave. Dhe nëse nuk performojnë mirë, do të luajnë letrat e atyre që përpiqen të vënë në pikëpyetje nëse zgjerimi i mëtejshëm ka kuptim dhe kjo do të ishte e rrezikshme. Mesazhi për Shqipërinë nuk do të ndryshojë edhe me komisionin e ri”, tha Peter Stano.

Dashamir Shehi: Duhet të sjellim prokurorë dhe gjykatës të huaj

17:42 Politika

Guvernatori i ri, Rama takon Nishanin në Presidencë

17:07 Politika

Bëri përgjegjëse policinë për vdekjen e një vajze, 50-vjeçari arrestohet për shpifje

16:12 Politika

Basha: Rama nuk ndalet më, vetëm protestat popullore ndalin të keqen që na ka pllakosur

16:02 Politika

Lubonja: Rama në vend t’u shërbejë qytetarëve, po i frikëson ata dhe synon t’i mjelë si lopë

15:35 Politika

Sekretariati dhe Departamentet, Basha nxjerr udhëzimin/Aplikimi deri më 6 Nëntor

15:19 Politika

Mazhoranca miraton anëtarët e rinj të KLD-së, rrëzohen propozimet e Nishanit për Gjykatën e Lartë

14:45 Politika

Kodheli takon Nuland: Modernizim FA, ndryshim modelit të armatimit

13:37 Politika

Rama në Kuvend: 5 vjet për të rikthyer sistemin energjitik nga një gropë që thith para, në një sistem fitimprurës

13:24 Politika

Kuvend, shtyhet zgjedhja e Kreut të AMA-s

13:13 Politika