Akuzat e PD për dekorin gjatë vizitës së Papa Françeskut/ Kryeministria: Kemi ndjekur të njëjtat procedura si Bashkia e Tiranës

Kryeministria i është përgjigjur sërish akuzave të PD-së, në lidhje me vizitën e Papa Françeskut në Shqipëri. Ndërsa opozita akuzoi përsëri vëllain e ministrit Erjon Veliaj, Kryeministria përmes një reagimi thekson se PD vazhdon të hedhë baltë mbi pritjen madhështore që populli shqiptar i rezervoi Papa Françeskut.

Në reagimin e Kryeministrisë theksohet se është ndjekur e njëjta procedurë si të gjitha institucionet e përfshira në vizitën e Papa Françeskut në Tiranë, përfshirë këtu Bashkinë e Tiranës.

“Është për të ardhur keq që Partia Demokratike vazhdon të hedhë baltë mbi pritjen madhështore që populli shqiptar i rezervoi Papa Françeskut.

Asnjë fakt, asnjë seriozitet, madje asnjë përpjekje për t’a kamufluar shpifjen e vrazhdë të radhës, po vetëm përsëritja e një recitimi banal para kamerave.

Nëse pushtetarët e deridjeshëm nuk dinë të lexojnë as ligjet që kanë bërë vetë dhe jo më praktikat zyrtare për të cilat flasin pa lidhje, ky nuk është as faji i qeverisë së re dhe as telashi që meriton populli shqiptar, të cilin PD e ka lënë pa opozitë.

Por të akuzosh pa fakte edhe në këtë rast kaq të veçantë dhe të përfshish organizimin më të bukur që shteti shqiptar ka bërë ndonjëherë në njëzet vjet me rastin e pritjes së Atit të Shenjtë, është më shumë se sa e padenjë qoftë edhe për Partinë Demokratike që nocionin e dinjitetit e ka gjithsesi tepër të mjegullt.

Duke qenë se qeveria e re transparencën përpara publikut e ka detyrim të patjetërsueshëm, është e udhës të sqarohet njëherë e mirë sa më poshtë:

Procedura krejt e ligjshme e ndjekur nga Autoriteti Kontraktor, në këtë rast Ministria e Kulturës, bazohet në gërmen “c” të pikës 2 të nenit 33, të ligjit numër 9643, datë 20.11.2006 “Për Prokurimin Publik” i ndryshuar.

Ky ligj parashikon pikërisht rastet kur Institucioni Publik gjendet në kushte të nevojës ekstreme dhe e ka të pamundur të ndjekë procedurën normale të prokurimit.

Në rastin në fjalë, duke qenë se programi i vizitës së Atit të Shenjtë dhe të gjithë elementet e dekorit e të protokollit iu komunikuan zyrtarisht qeverisë shqiptare në datën 11 Gusht 2014, Autoriteti Kontraktor ishte në kushtet e nevojës ekstreme për shkak të mospasjes së kohës së mjaftueshme për të zhvilluar procedurën normale të prokurimit.

Theksojmë se e njëjta procedurë është ndjekur nga të gjitha institucionet e përfshira në vizitën e Papa Françeskut në Tiranë, përfshirë këtu Bashkinë e Tiranës.

Propozimi për të ndjekur këtë procedurë është bërë nga Komisioni Shtetëror për vizitën e Atit të Shenjtë, komision ku u përfaqësuan të gjitha institucionet më të larta shtetërore, përfshirë dhe institucionin e Presidentit të Republikës, partitë parlamentare dhe Bashkinë e Tiranës, të cilët kanë shprehur dakordësinë e plotë me këto procedura në çdo mbledhje dhe për çka është dokumentuar çdo element”, thuhet në reagimin e Kryeministrisë. /gj.k/

RREFIMI/ Sinanaj: Ja si e vrava Veizin. Porositësit më thanë: ‘Nëse do jetë me djalin, vriti të dy’

14:29 Politika

PD: Qytetarët t'i bashkohen protestave të studentëve

14:19 Politika

Vizita në Serbi/ "Vatra" i rekomandon Ramës 7 pikat që duhet t'i kërkojë Vuçiç

14:14 Politika

PD i rikthehet akuzave për Veliaj: Kompania fituese e tenderit te dekorit me vetëm 3 punonjës

14:10 Politika

Policia mbyll 19 lokale nate në Tiranë, mes tyre dhe atë të këngëtares Aurela Gaçe

13:04 Politika

Meta me biznesin fason: Parlamenti dhe Qeveria ju mbështesin

12:17 Politika

Braçe i përgjigjet Bashës: Jo 24 por 240 të shkolluar të marrësh, nuk e ç'montojnë dot politikën tënde të anti-ligjit

12:12 Politika

Vizita e kryeministrit Rama në Beograd nën presionin ndërkombëtar

11:49 Politika

Basha në Lushnje: Prokuroria të hetojë prishjen e ndërtimeve, janë prishur me akte terroriste

11:46 Politika

FOTO LAJM/ Duke shijuar 1.2 milionë dollarë reklama

11:43 Politika