Te fundit
Garet Bejl nuk shitet as për 300 milion euro
26 Dhjetor 2014, 15:08Sport
TEMA
Shtëpia e Garet Bejl është në Madrid.
Në mediat angleze është folur shumë për një rikthim të tij në Premier Ligë, por vetë lojtari nuk e mendon këtë gjë, e aq më pak drejtuesit e klubit mbretëror, të cilët pranojnë se i gjithë projekti i Realit ka si bazë disa lojtare kryesorë dhe një prej tyre është dhe uellsjani.
Bejl është një nga të preferuarit e presidentit Perez dhe askush nuk ka ndermënd të dëgjojë ndonje ofertë për të, raporton Sport News.
Sipas klubit, Bejl është i paprekshëm dhe nuk ka asnjë diskutim mbi të ardhmen e tij tek “Los Blankos”.
Lojtari mund të ketë vështirësi në adaptimin e tij në Spanjë, gjuhën e folur dhe mbase pozicioni ku luan nuk është i më i përshtatshmi, por nuk ka asnjë dyshim në vazhdimësinë e tij tek Reali.
Luan, shënon, dhe është deciziv.
Kjo është pikerisht ajo çka bën që presidenti Perez të jetë i dashuruar me lojtarin për te cilin nuk pranon as 300 milion euro.
Reali i Madridit mendon se 90 milion eurot e derdhura ne arkën e Totenhemit nuk kanë shkuar dëm, pasi investimi ka qënë një nga më të miret që ka bërë klubi këto vitet e fundit.
Shumë drejtues të klubit shohin tek uellsjani “Topin e Artë” në të ardhmen e afërt.
Futbollistit nuk i bën përshtypje presioni, sa me i lartë të jete aq më shumë shfaqet në fushe duke shënuar si në finalen e kupës së Mbretit në “Mestaja” kunder Barcelonës ashtu edhe në finalen e Championsit perballë Atletikos.
Garet është një blerje presidenciale, një nga kapricot e Florentino Perez, e cila rezultoi e suksesshme.
Një blerje mediatike që pati një boom të madh në verën e 2013 dhe tani lojtari gëzon respektin e të gjithë tifozerise, të cilet shohin tek ai siguri, megjithse kërkojnë gjithmonë e më shumë.
Në merkaton e veres në 2013 për Bejl u interesuan Mançester Junaited dhe Siti, por ëndrra e lojtarit ishte Reali Madridit, dhe vështirë se deshira për të luajtur me “camiseta blanca” i ka perfunduar në vetem një vit.
Në zyrat e Bernabeut është e ndaluar të dëgjohen oferta në drejtim të lojtarit dhe nësë ka një futbollist të blinduar tek Reali, ai është Garet Bejl.
Lini një Përgjigje
Më të lexuarat
24 oret e fundit
Javen e fundit
Blog Tema
