Gjermeni: Fillon dhënia e lejeve të ndërtimit, vendos AKP

Duke filluar nga ky muaj, gjithë të interesuarit për leje ndërtimi duhet të aplikojnë në Agjencinë Kombëtare të Planifikimit dhe nëse plotësojnë kushtet do të marrin lejen.

Ishte ministrja e Zhvillimit Urban, Eglantina Gjermeni që në një dalje për mediat, tha se qeveria ka zhbllokuar këtë proces, me qëllim pastrimin e vendit nga ndërtimet e kundraligjshme.

Ministrja e Zhvillimit Urban dhe Turizmit Eglantina Gjermeni tha se në mbledhjen e fundit Këshillit Kombëtar të Territorit, është bërë identifikimi i zonave të urbanizuara, dhe miratimi i hartave ku mund të behën ndërtimi, dhe për këtë arsye do të rifillojë procesi i dhënies së lejeve të ndërtimit.

Ministria Gjermeni foli edhe për ndërhyrjet dhe reformat e Ministrisë gjatë vitit të kaluar, si pastrimi i territorit nga ndërtimet e kundraligjshme, që sipas saj ka sjellë rezultate të kënaqshme.

“Ministria e Zhvillimit Urban dhe Turizmit, që në fillim të mandatit qeverisës ndërmori një sërë masash, të cilat kryesisht synonin rehabilitimin e zonave të rëndësisë kombëtare, por jo vetëm.

Në këtë kuadër një nga angazhimet tona ishte ndërhyrja për pastrimin e territorit nga ndërtimet e kundraligjshme, të cilat kanë shkaktuar ndër vite një zhvillim urban kaotik, me pasoja degraduese edhe për zhvillimin e turizmit.

Këto ndërhyrje, kanë mundësuar rikthimin në identitet të hapësirave dhe territoreve të zaptuara padrejtësisht. Ju si përfaqësues të medias dhe të gjithë qytetarët keni konstatuar rastet e këtyre ndërhyrjeve kryesisht në vijën bregdetare, por tashmë të shtrira në kryeqytet dhe në të gjithë Shqipërinë.

Rezultatet e ndërhyrjeve të deritanishme janë baza e fillimit të një procesi që garanton zhvillim të qëndrueshëm, afatgjatë ekonomik, social dhe mjedisor.

Në këtë kuadër, dua t’Ju bëj me dije se në mbledhjen e fundit të Këshillit Kombëtar të Territorit, një nga vendimet shumë të rëndësishme që u miratuan ishte edhe ai për identifikimin e zonave të urbanizuara në të gjithë territorin e vendit dhe miratimin e hartave ku mund të ndërhyhet në funksion të zhvillimit urban.

Në këto zona të urbanizuara, do të lejohet dhënia e lejeve të ndërtimit edhe për banesat individuale, krahas ndërtimeve që lejoheshin deri tani, që janë ato për objekte publike, për infrastrukturë, për ndërhyrje me karakter emergjent, si dhe për struktura në funksion të zhvillimit ekonomik, turizmit, të bujqësisë dhe blegtorisë.

Ky vendim, lehtëson trajtimin e nevojave të qytetarëve për banesat individuale njëfamiljare. Kjo kategori sociale ka mundësinë tani të aplikojë për leje ndërtimi normalisht pranë njësisë vendore.

Të gjithë të interesuarit, që kërkojnë të ndërtojnë në pronat e tyre për interesa personale strehimi apo për interesa ekonomike, mund të përfitojnë ose të pajisen me leje ndërtimi.

Leja e ndërtimit do të jepet pas marrjes së konfirmimit paraprak nga Agjencia Kombëtare e Planifikimit të Territorit, në përputhje me instrumentat e planifikimit.

Konfirmimi paraprak pranë Agjencisë Kombëtare të Planifikimit të Territorit mund të kërkohet drejtpërdrejt nga qytetarët e interesuar, ose nga Njësia Vendore respektive. Kusht për zhvillimin e lejeve për banesa njëfamiljare, është që këto ndërtime të zhvillohen brenda territorit të këtyre zonave të urbanizuara.

Kryetarët e njësive vendore kanë mundësi të ushtrojnë detyrat e tyre për dhënien e lejeve të ndërtimit në përputhje me të gjitha kompetencat që ata kanë, POR brenda hartave të miratuara të zonave të urbanizuara, dhe mbasi kanë marrë konfimimin nga Agjencisë Kombëtare të Planifikimit të Territorit për çdo kërkesë zhvillimore”, theksoi Gjermeni.

Çmimet e energjisë për bizneset/ Tarifat e reja që do të aplikohen në bazë të nivelit të tensionit

12:28 Ekonomia

Tatimet: TVSH e muajit dhjetor, sipas formularit të vjetër

11:39 Ekonomia

Arben Ahmetaj: Në 2015, rritja ekonomike 3%. Lehtësira për biznesin

19:32 Ekonomia

Hyn në fuqi paketa fiskale, taksat e reja që do të aplikohen

14:38 Ekonomia

Turizmi/ Gjermeni: Për Shqipërinë ka shumë paragjykime. Ja sfidat për 2015

10:50 Ekonomia

Avaritë në sistemin elektro-energjitik/ OSHEE: 3 mijë punonjës në terren për rikthimin e energjisë

20:36 Ekonomia

Çmimi i energjisë/ Rama: 210 mijë familje do të kompensohen me 650 lekë/muaj

11:33 Ekonomia

Pensioni social, Qeveria miraton kriteret dhe procedurat

17:24 Ekonomia

Rusia gati t'i heqë embargon Shqipërisë

15:46 Ekonomia

Mungesa e energjisë/OSHEE: jashtë funksioni disa nënstacione dhe linja furnizimi

12:39 Ekonomia