Lefteri Lleshi: Nuk pranoj të marr telefonata nga politikanët

Lefteri Lleshi duket se do të jetë sërish në krye të Komisionit Qendror të Zgjedhjeve.

Pas plotësimit të KQZ-së ditën e djeshme me tre anëtarët e mazhorancës, ajo ka thënë se tashmë do të fillojë puna menjëherë, ndërsa ka shprehur konsiderata për Denar Bibën.

“Unë jam shumë e kënaqur që KQZ u plotësua. Do fillojmë  menjëherë punën. Kemi përgatitur aktet. Sot ne do të zgjedhim nën.kryetarin dhe pastaj të hënën KQZ me të gjithë trupën është në punë me kohë të plotë 24 në 24. Puna ka debate dhe unë debatin në punë e kosideroj si zhvillim dhe jo në plan personal.

Debati është konstruktiv. Mua më vjen shumë mirë që kam përsëri Denarin në krah në KQZ sepse sigurisht ai është një djalë i formuar, është profesionist dhe në këtë mënyrë unë do ta kem punën time edhe më të lehtë. Pa përjashtuar edhe kolegët e tjerë, sepse edhe ata i njoh sepse i përkasin fushës se drejtësisë dhe ata janë dy kolegë shumë të nderuar”, thotë ajo për Ora Neës.

Ndërkohë, Lleshi ka komentuar edhe polemikat për zgjedhjet e 23 qershorit:

“Polarizimi politik ishte i paparishikueshëm. Kjo është ajo çfarë involvon KQZ dhe gjithë shqiptarët dhe politikën shqiptare që të përqëndrohet vetëm tek ajo tavolinë që për mua nuk është kaq e rëndësishme. Në fund të fundit çfarë bëjmëne? Ne bëjmë vetëm menaxhimin e zgjedhjeve. KQZ ka për detyrë që ditën e votimit të sigurojë të gjithë qytetarët shqiptarë që të jenë të qetë në kutinë e votimit, që në atë qëndër votimi të mos mungojë asgjë, të hapet dhe të mbyllet votimi në orarin e caktuar. Ne menaxhojmë zgjedhje, aq bëjmë ne.

Është populli ai që vendos. Ama mosmenaxhimi i mirë i yni do të çonte pastaj që as rezultatet të kishim apo të mos kishim. Sfida jonë ka qenë më e madhe në momentin që ne mbetëm përgjysëm. Që të ishim të besueshëm edhe përballë ndërkombëtarëve të gjithë punën e vumë në transparencë të plotë. Nuk fshehëm asgjë”.

Megjithatë, Lleshi shprehet se nuk ka pranuar të marrë telefonata nga politikanët:

“Nuk marr unë telefonata nga politikanët, fare. Nuk marr. Politikanët kanë përfaqësuesit e tyre politikë në tavolinën e KQZ dhe kjo është arsyeja që ata nuk kanë nevojë ti bien telefonave. Sepse përfqësuesit e partive politike të cilët marrin pjesë në mbledhje janë pothuajse si anëtarët e KQZ , kanë të të drejtë të flasin, propozojnë, të ndërhyjnë në të gjithë aktivitetin e KQZ”./b.l

Braçe: Ku i gjen paratë PD, që i blen Sali Berishës një makinë sheikësh 111 milionë lekë

10:41 Politika

Jeta modeste e pilotit trafikant. Nuk paguante dot as qeranë

09:28 Politika

Kuvendi rrëzon Nishanin/ Xhafaj: Duam transparencë për Gjykatën e Lartë

23:28 Politika

Kuvend/ Miratohen anëtarët e rinj të KQZ dhe Këshillit Dretues të AKEP

23:24 Politika

Kandidat për Bashkinë? Lame: Më hanë duart për Tiranën

22:28 Politika

Misioni i (pa) mundur për hapjen e dosjeve në Shqipëri

21:24 Politika

Enigmat mbi pilotin e drogës, si u rekrutua Sokol Feka?

20:23 Politika

Kush është piloti i rrëzuar në Spanjë me helikopter?

20:08 Politika

Basha: Përfshirja e pilotit shqiptar në trafikun e drogës, njollos Ministrinë e Mbrojtjes

14:14 Politika

Përse e sulmojnë mediat e Irfanit, Arben Ahmetajn (madje dhe për fizikun e tij)?

18:02 Politika