Te fundit
Shkencëtari Stephen Hawking uron fituesin e Oscar: Kujtoja se isha vet në film, qava kur e pashë
23 Shkurt 2015, 14:34Kulturë
TEMA
Fizikanti Stephen Hawking ka shprehur kënaqësinë e tij për fituesin e çmimit Oscar, Eddie Redmayne, i cili u vlerësua si aktori më i mirë pikërisht në rolin që portretizonte jetën e shkencëtarit të njohur.
“Urime për Eddie Redmayne, i cili fitoi çmimin Oskar duke luajtur mua në filmin ” The Theory of Everything”, ka shkruar Hawking në Facebook, duke vazhduar, “Të lumtë Eddie, jam shumë krenar për ty.”
Në fjalimin e tij gjatë marrjes së Oscar, aktori Redmayne ia dedikoi çmimin të gjithë atyre njerëze që ashtu si Hawking, jetojnë me sëmundjen ALS.
“Unë jam plotësisht i vetëdijshëm se jam një njeri me fat, me shumë fat,” tha ai.
“Ky Oscar u takon të gjithë atyre njerëzve rreth botës që luftojnë me sëmundjen ALS. I përket një familjeje të jashtëzakonshme. Unë do të jem kujdestari i tij dhe ju premtoj se do të kujdesem për të”, tha aktori gjatë marrjes se çmimit.
Filmi, “The Theory of Everything” tregon jetën e fizikantit Hawking në rininë e tij dhe luftën me sëmundjen ALS. Filmi gjithashtu fokusohet shumë në marrëdhënien e tij me ish-gruan Jane Wilde, luajtur nga Felicity Jones.
Hawking madje tha se portretizimi Redmayne ishte aq realist saqë ai e ngatërronte aktorin me veten e tij.
“Mendoj se Eddie Redmayne më ka portretizuar shumë mirë”, tha fizikani i shquar, i cili pranoi se kishte derdhur lot kur kishte parë filmin. “Disa herë mendoja se isha vet unë në film. Përkushtimi i Eddie do ketë ndikim të madh emocional”.
Stephen Hawking u diagnostikua me ALS (Amyotrophic lateral sclerosis) në moshën 22 vjeçeare dhe iu tha nga mjekët se ai nuk do të jetonte deri në ditëlindjen e tij të 25-të.
Kundër të gjitha shanseve profesori i Universitetit te Kembrixh jo vetem qe mbijetoi, por u bë një nga shkencëtarët më të njohur.
Hawking është autori i librit shumë të shitur “Një histori e shkurtër e kohës”. /j.h
3 komente në “Shkencëtari Stephen Hawking uron fituesin e Oscar: Kujtoja se isha vet në film, qava kur e pashë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Gjenial,
as une nuk gjej fjale te them per kete rol te te veshtire te luajtur nga nje aktor i ri.
Urime, per kete loje te shkelqyer nga ana e tij.
film i mrekullueshem
Filmin nuk e kam pare, por per Stefanin sa here del ndonje shkrim e lexoj me respekt dhe me shume se e kaloi parashikimin mjeksore dhe festoi dhe 70 vjetorin shkencetari i fizikes kuantike! Jete e paralizuar, por te pakten i jepet mundesia te shikoje parashikimet dhe vazhdimin e punes se tij ku e la. E meritonte kete film dhe mbi te gjitha dhe mundesite financiare per ta ndihmuar. Para do kohe paralajmeronte shkencetari se ndoshta per nja 1000-1500 vjet, Tokes do t’i mungojne elementet jetes dhe duhet eksploruar per ndonje planet tjeter te jetueshem!