Te fundit
Fëmijët me Sindromën Down në Shqipëri paragjykohen, mungon mbështetja e institucioneve
21 Mars 2015, 14:27Sociale
TEMA
Fëmijët e sëmurë me Sindromën Down në Shqipëri janë të paragjykuar, sidomos në zonat rurale ku mungon dhe mbështetja e institucioneve për shërbimet terapeutike që ata kanë nevojë.
Ky ka qenë shqetësimi i një nëne, fëmija i së cilës vuan nga kjo sindromë.Ajo ak dhënë këtë prononcim për TemaTv në një aktivitet të zhvilluar në Tiranë me fëmijët dhe prindërit e fëmijëve që vuajnë nga ky çrregullim kromozomik.
“Fillimisht doktorët nuk na thanë që fëmija jonë vuante nga sindroma. Në fillim kur na e tha ishim të papërgatitur, pasi nuk dinim çfarë ishte sindroma Doën. Më pas u informuam për sfidat dhe vështirësitë që do të na dilnin përpara. Por me hapat që bëri djali ynë, ne kënaqeshim. Shqipëria është një vend i vështirë për të tillë fëmijë, ka paragjykime akoma, sidomos në qytetet e vogla, në provinca ku vështirësia është akoma më e madhe.
Në shqipëri nuk ka akoma qendra të përshtatshme, qëndra që të merren seriozisht me këta fëmijë, nuk ka lokoped, të paktën në Gjirokastër, në vendin që unë jetoj.
Ajo thirrje që unë i bëj institucioneve është që të hapin sa më shumë qëndra të tilla që të gjithë fëmijët të kënë mundësi të rehabilitohen sepse të gjithë janë njësoi.
Vështirësitë janë të shumta që në momentin që ata lindin, që në fillim ata duan terapi të specializuar, por këto terapi mungojnë” shprehet kjo nënë, fëmija i së cilës është 7 vjeç.
Ditën e shtunë në Tiranë janë zhvilluar disa aktivitete në kuadër të ditës ndërkombëtare të Sindromës Down .
Në një prononcim për Tema, themeluesja e Fondacionit “Down Syndrome Albania”, Emanuela Pepkola u bëri apel institucioneve shtetërore për më tepër vëmëndje ndaj personave qe vuajne nga kjo anomali kromozonesh.
Nërsa Ministri i Shëndetësisë Ilir Beqaj shkroi në Twitter se të gjithë meritojnë të drejta të barabara dhe të plota, teksa ka theksuar se roli i familjes dhe shoqërisë është thelbësor.
Sindroma Down është një çrregullim kromozonesh dhe shoqerohet me vonesa në zhvillimin fizik, intelektual dhe gjuhësor. Sindroma Daun identifikohet si anomali kromozonesh.
Me përparimet që janë bërë në fushën e biologjisë molekulare, është zbuluar se njerëzit me Sindromën Daun kanë 47 kromozone në secilën qelizë në vend që të kenë 46, por shkaqet që e shkakton këtë anomali mbeten ende të pazbuluara. Sot në botë statistikat tregojnne qe 1 në 691 lindje që jetojnë jane me sindromen Down./e.d
1 komente në “Fëmijët me Sindromën Down në Shqipëri paragjykohen, mungon mbështetja e institucioneve”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Femijet me aftesi te kufizuara ne nje shoqeri te mirefillte demokratike, duhet te gezojne te drejten e edukimit njesoj si cdo femije tjeter. Kjo eshte nje e drejte qe buron nga shume akte ligjore te OKB dhe UNESCO kunder diskriminimit arsimor, dhe nuk duhet pare si lemoshe e hedhur per meshire. Vajza ime me Down Syndrome ketu ne Ameike eshte edukuar ne te njejten shkolle me femijet e tjere pa nevoja speciale. Kjo ben qe keta femije te ndjehen qe jane pjese e shoqerise, te behen pjestare produktive te shoqerise dhe njekohesisht ndihmon qe femijet normale ti “pranojne” ata si qenie njerezore te barabarte ne te drejta e te mos jene abuzive ndaj tyre. Pra kjo eshte nje ceshtje e te drejtave te njeriut kunder diskriminimit dhe segregacionit. Roli i ministrit Beqaj dhe minisres Nikolla nuk duhet kufizuar ne Twitter, por te ndryshojne legjislacionin dhe te sigurojne qe edhe keta femije te gezojne te njejtin edukacion publik si gjithe te tjeret.