Ksavi drejt Katarit, do të luajë për Al Sadd

Karriera e Ksavi Hernandez do të vazhdojë në Katar.

35-vjecari katalanas konsiderohet si një ndër mesfushorët më të mirë që ka parë historia e futbollit, megjithatë vitet kalojnë edhe për të, dhe numri 6 i Barcelonës preferoi të vijojë karrierën në Katar, duke firmosur për klubin Al Sadd, me qendër në kryeqytetin e këtij vendi Doha.

Mesfushori i famshëm, që me Barcën ka debutuar në vitin e largët 1998 vendosi kështu të transferohet në fund të këtij sezoni në Katar, duke firmosur pak a shumë të njëjtën kontratë që kishte edhe ish-sulmuesi i famshëm i Realit, Raul Gonzalez.

E kuptueshme, Ksavi Hernandez në këtë fazë të karrierës preferoi paratë duke firmosur për tre vjet me klubin Al Sadd, me një përfitim të majmë prej 10 milionë euro në vit.

Veterani spanjoll përvecse do të jetë pjesë e formacionit bazë të këtij klubi, do të mbulojë gjithashtu edhe rolin e këshilltarit në Qendrën Aspire, Akademinë vendase që është e specializuar në formimin e futbollistëve të Kampionatit Botëror që do të mbahet në Katar në vitin 2022.

Përvec këtyre detyrave, Ksavi ka bërë të ditur se gjatë kësaj kohe do të punojë shumë për t’u përgatitur edhe për të ardhmen e tij, pasi kur të varë këpucët në gozhdë, 35-vjecari nga Terrassa ka ndër mend të vazhdojë karrierën e tij si trajner.

Deri tani veterani iberik numëron plot 133 ndeshje me përfaqësuesen spanjolle dhe falë eksperiencës së tij mesfushori nga Katalonja do të punojë si instruktor në Akademinë Aspire, me grupin e punës që kryesohet nga bashkëkombasi i tij Ivan Bravo, që mban rolin e drejtorit të përgjithshëm.

Pra, Ksavi Hernandez do të ketë te Al Sadd të njëjtin funksion si Raul, rol të cilin ish-sulmuesi madrilen e mbuloi në sezonet 2012-13 dhe 2013-14.

Trembet Bajerni, Real Madrid kërkon David Alaban

14:56 Sport

Ja kush është arbitri që do të gjykojë Shqipërinë përballë Armenisë

14:52 Sport

Bufon: Me Konten, suksesi i garantuar

14:50 Sport

FSHF po funksionon si treg i zi. Biletat për ndeshjen me Armeninë u jepen nën dorë sekserëve

19:37 Sport

Ozil shfrenon fantazinë: Do të fitoj "Topin e Artë"

18:03 Sport

Alvaro Morata: Nuk më shkon mendja te Reali, mendoj vetëm për Juventusin

15:18 Sport

Prenga: Nëse je shqiptar duhet të zgjedhësh Shqipërinë

15:13 Sport

Kapiteni i Përfaqësueses punësohet si roje burgu, mungon kundër Rumanisë

11:41 Sport

Shaqiri: Interi jo në nivelin e Bajerni, karrierën e mbyll tek Bazeli

19:49 Sport

Tifozët e Realit: Garet Bejl, jashtë 11-shes!

16:19 Sport