Te fundit
Vjedhjet e energjisë, shpallen në kërkim 21 persona dhe arrestohen 13 të tjerë
29 Mars 2015, 10:16Kronika
TEMA
Policia dhe OSHEE vijojnë aksionet e përbashkëta për evidentimin e autorëve të vjedhjes së energjisë elektrike.
Gjatë javës së fundit, 110 grupe të përbashkëta Polici-OSHEE kanë kryer kontrolle të përbashkëta në 7.912 raste. Si rezultat i kontrolleve të kryera në abonentë biznesi dhe familjarë, janë evidentuar 61 raste të vjedhjes së energjisë elektrike me 61 autorë.
Nga sa me siper janë arrestuar në flagrancë 13 persona të cilët akuzohen për vjedhje të energjisë elektrike, janë shpallur në kërkim 21 persona ndersa ndiqen në gjendje të lirë 27 persona .
Gjithashtu janë proceduar penalisht dhe ndiqen në gjendje të lirë 3 punonjës të OSHEE, me detyrë Elektriçist, (2 në Durrës e 1 në Sarandë), për abuzim me detyrën.
Po gjatë javes qe u mbyll, janë ndërprerë 4.350 lidhje të abonentëve debitorë dhe 61 lidhje të paligjshme. Gjithashtu janë kontrolluar 111 kabina elektrike dhe abonentët që furnizohen nga këto kabina.
Policia e Shtetit dhe OSHEE janë të vendosur ta çojnë deri në fund punën e nisur, deri në shkëputjen e fundit të lidhjeve të paligjshme, duke përballur me forcën e ligjit të gjithë ata persona, të cilët abuzojnë me energjinë elektrike, duke e vjedhur atë, qofshin këta përfaqësues biznesesh, individë, apo punonjës të vetë OSHEE-së, sipas njoftimit te zyrës së shtypit të Ministrisë së Brëndshme. /gj.k/
1 komente në “Vjedhjet e energjisë, shpallen në kërkim 21 persona dhe arrestohen 13 të tjerë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
qeveria duhet te marri masa edhe per punonjesit e OSHEE kure ato te vendosin 600 kw shpenzim kure leximi eshte 0 mbasi shtepia eshte e mbyllur pa njeri , apo kjo nuk quhet vjedhje kure I behet popullit per te mbush deficitet e tyre.