Bashkia e Tiranës kërkon fondin e të ardhurave nga taksat e biznesit të vogël

Bashkia e Tiranës kërkon  nga organet tatimore që të kalojnë fondin e të ardhurave nga taksa e biznesit të vogël në llogarinë e Bashkisë, duke kujtuar se vonesa e këtij fondi prej tre muajsh ka krijuar një mungesë të ardhurash në masën 150.000.000 lekësh.

Përmes një njoftimi për shtyp, Bashkia e Tiranës njofton se prej tre muajsh, Drejtoria e Përgjithshme e Tatim – Taksave nuk ka kaluar në llogarinë e Bashkisë së Tiranës të ardhurat nga taksa e biznesit të vogël, të cilën qeveria prej vitit 2014 ka vendosur ta mbledhë përmes strukturave të saj tatimore.

“Në muajin dhjetor 2014, në arkën e Bashkisë së Tiranës duhet të derdhej shuma prej 28.110.216 lekësh por deri më sot nuk ka pasur asnjë veprim apo sqarim në këtë drejtim. Për këtë vit, jo vetëm nuk ka asnjë kalim të të ardhurave nga taksa e biznesit të vogël Bashkisë së Tiranës, duke krijuar një mungesë të ardhurash në masën 150.000.000 lekësh, sipas parashikimit në buxhetin e Bashkisë, por nuk ka as rakordim të të ardhurave”, thuhet në njoftimin për shtyp të bashkisë.

Bashkia e Tiranës i është drejtuar për këtë çështje me një letër ministrit të Financave ku i kërkohet të marrë sa më shpejt në konsideratë kërkesën tepër emergjente, për plotësimin e procedurave dhe kalimin e detyrimit të tatimit të thjeshtuar të fitimit në interes së Bashkisë Tiranë.

“Çdo vonesë në realizimin e këtyre të ardhurave bën të mundur mosplotësimin e angazhimeve dhe detyrave që ne kemi për qytetarët dhe qytetin e Tiranës. Duke shpresuar se këto veprime nuk janë në vazhdën e angazhimit total të çdo strukture të shtetit për të bllokuar punën e Bashkisë së Tiranës, jemi në pritje të reagimit nga ana juaj”, thuhet në shkresën drejtuar ministrit të Financave.

Të ardhurat e mbledhura një vit më parë, të cilat janë vetëm 68% e të ardhurave të mbledhura nga administrata tatimore e Bashkisë së Tiranës, sipas kësaj të fundit, tregojnë për dështim të mbledhjes së taksave nga qeveria dhe rritje të informalitetit.

“Mungesa e transparencës për muajt e parë të vitit 2015 nga drejtoria e Tatim – Taksave lidhet dhe me performancën e dobët në mbledhjen e tatim -fitimit të biznesit të vogël”, vijon Bashkia e Tiranës. /gj.k/

Cani: Duty free shops përmirëson turizmin dhe rrisin investimet e huaja

11:15 Ekonomia

Bilanci tragjik i një lufte tregtare

12:47 Ekonomia

Lame: Zgjidhje për 14 mijë ndërtime informale të penalizuara

18:37 Ekonomia

Banka Botërore, edhe 265 milionë euro për Shqipërinë

10:52 Ekonomia

Shqipëria, një destinacion për turizëm dhe interes për prona

21:26 Ekonomia

OSHEE: Gati për investimet në rrjet, në shkurt arkëtuam 70 milionë dollarë

14:09 Ekonomia

Sektori energjitik, Gjiknuri takon Patrizio Pagano/ BB mbështet reformat e deritanishme

11:38 Ekonomia

Legalizimet/ Lame: Qindra institucione shtetërore me kate pa leje, absurditet

10:38 Ekonomia

Haxhinasto: Lidhshmëria e rajonit rëndësi për bashkëpunimin, zhvillimin dhe integrimin mes vendeve dhe të Ballkanit në BE

19:30 Ekonomia

“Shpërthejnë” transaksionet bankare nga interneti

13:27 Ekonomia