Përçahet PD në Tropojë/ Kryebashkiaku aktual vendos të kandidojë si i pavarur

Kryebashkiaku aktual i Tropojës Agron Demushi, i cili përfaqëson Partinë Demokratike, do të dalë në zgjedhjet e 21 Qershorit si kandidat i pavarur. Vendimi është bërë publik nga vetë Demushi, pasi Partia Demokratike zyrtarizoi si kandidat të sajin Besnik Dushaj.

“Kanë vendosur qytetarët e Tropojës për kandidimin, të cilët po e kërkojnë me këmbëngulje të jem unë  që t’i përfaqësoj në zgjedhje.

Kanë ardhur në shtëpi për të ma kërkuar këtë. Unë kam biseduar, kam qenë kandidati më potencial, sesi kanë rrjedhur ngjarjet brenda PD nuk e di, por di që kanë vendosur ish-deputetin, të cilin duket se nuk e duan qytetarët e Tropojës”, tha Demushi.

Sipas kryebashkiakut të Bajram Currit, nuk janë vetëm qytetarët që e kundërshtojnë vendimin e Partisë Demokratike.

Edhe anëtarësia e PD-së në Tropojë ka bojkotuar mbledhjen e kryesisë 2-3 ditë më parë ku do të prezantohej zyrtarisht kandidati Besnik Dushaj.

“Nuk kam qenë i kënaqur me mënyrën si janë zhvilluar përzgjedhjet e PD, sepse është çuar lista me emra dhe mbi 20 prej tyre nuk kanë jetuar fare në Tropojë, më shumë vinë turistë se sa ata në Tropojë. Ka pasur një anarshi në përzgjedhjen e kandidatëve. Kryesia e PD para 2-3 nuk është mbledhur që ka pasur për tu prezantuar, e kanë bojkotuar mbledhjen e radhës.  Anëtarësia e PD në Tropojë është kundër kandidatin aktual”, tha Demushi.

Faktin që tropojanët kanë dalë kundër Dushajt, Demushi e argumenton me konsumimin sipas tij, që i është bërë kësaj figure në PD.

“Duket që është një figurë e konsumuar e PD në Tropojë ndonëse reklamohet. Tre herë 3 si kryetar komune, 2 herë si deputet besoj se i kanë marrë maksimumin Partisë Demokratike dhe njerëzit nuk janë të kënaqur me të”, tha kreu i Bashkisë së Bajram Currit. /gj.k/

Fati i trishtë i të pavarurve të djathtë

15:50 Politika

Rezultatet surprizë të sondazhit për Durrësin/ Igli Cara rezulton fitues, por nuk kandidohet

15:58 Politika

Grida Duma ndryshon mendje, është gati të kandidojë në Tiranë, por dhe në Durrës

15:45 Politika

Gjergji Mero, kandidati i PD për Korçën

15:40 Politika

Leskaj: Italia dhe Greqia të njohin sa më shpejt pensionet për emigrantët shqiptarë

14:27 Politika

Rama në Emiratet e Bashkuara: Marrëveshje për lehtësimin e vizave dhe mjedisit

13:24 Politika

Marrëveshja PD-PR për kandidatin e Durrësit, sa afër edhe larg/ Mediu: Duka, fitues përballë kandidatit të PD-së dhe PS-së

13:21 Politika

Edhe Kisha Katolike kërkon dekriminalizimin e politikës: Zgjedhësit të abstenojnë, kur ka kandidatë të përfshirë në krim

13:06 Politika

Mziu akuzon Ramën: Ke arrestuar 500 qytetarë që vidhnin energjinë. Gjici s'ia ka haberin Kamzës, se nuk është qytetar i saj

11:21 Politika

Basha i thotë “Jo” Lefter Maliqit. Gjergj Mero, kandidati për Korçën

11:13 Politika