Masterplani i gazit në Shqipëri, gati në nëntor

Ministria e Energjisë dhe Industrisë në bashkëpunim me kompaninë shtetërore azere të naftës SOCAR organizuan të shtunën në Tiranë seminarin e dytë të nivelit të lartë për studimin e fizibilitetit të masterplanit të gazit në Shqipëri. Në tryezë morën pjesë përfaqësues të SOCAR, Shell, British Petroleum, WBIF dhe TAP AG.

Sekretari i Përgjithshëm i Ministrisë së Energjisë dhe Industrisë, Koli Bele e konsideroi shumë të rëndësishëm për masterplanin e gazit dhe studimin e fizibilitetit koordinimin mes të gjithë aktorëve për të patur një produkt sa më profesional.
“Kemi ndërmarrë të gjitha hapat e duhura si qeveri, në mënyrë që në vitin 2019-2020, kur parashikohet që gazi të kalojë në tubacionin e gazsjellësit TAP, edhe Shqipëria të jetë jo vetëm e lidhur, por të ketë mundësi, infrastrukturë të zhvilluar, plane konkrete për zhvillimin e tregut të gazit”, u shpreh Bele.

Në vijim të takimit të parë mbajtur në muajin shkurt, përfaqësuesit e WBIF prezantuan një grafik të punës me të dhëna konkrete të fazave të hartimit të masterplanit. Puna do të nisë në muajin maj 2015 dhe parashikohet që masterplani të jetë i gatshëm në tetor/nëntor të vitit 2016. Paralelisht, kompania SOCAR do të fillojë punën për studimin e fizibilitetit, një tjetër dokument mjaft i rëndësishëm që i shërben objektivit strategjik për gazifikimin e vendit.

Western Balkans Investment Framework (WBIF) financon me 1.1 milion euro hartimin e Masterplanit të Gazit (GMP) dhe të Project Identification Project (PIP), sipas aplikimit të MEI-t në shkurt 2014.

Kompania SOCAR, në bashkëpunim me Qeverinë e Republikës së Shqipërisë dhe Gazsjellësin TAP, si dhe aktorët e tjerë të interesuar nga Azerbajxhani, do të menaxhojë dhe financojë studimin e fizibilitetit të masterplanit të gazit. /gj.k/

Si u mashtruan fshatarët! Pas 20 vitesh zbuluan tokën e tyre

16:58 Ekonomia

Haxhinasto përuron bypass-in e Shkozetit

14:16 Ekonomia

Ndryshe nga FMN dhe Qeveria, BERZH: Rritja ekonomike, më pak se 3%

14:05 Ekonomia

Rruga e Arbrit, Berisha vlerëson koncensionin për kinezët/ Haxhinasto: Procesi transparent, edhe kostoja

14:36 Ekonomia

Këshilli i Investimeve/ Rama: Ka ikur koha kur Qeveria vendoste gjoba ndaj biznesit

17:33 Ekonomia

Koncensioni i rrugës së Arbrit/ Ekonomia miraton marrëveshjen me kinezët

12:08 Ekonomia

Rruga e Arbërit, Haxhinasto bën publik projektin e kompanisë kineze

16:41 Ekonomia

Strategjia për Menaxhimin e Financave Publike/Cani: Stop shpenzimeve të pakontrolluara dhe detyrimeve të prapambetura

10:14 Ekonomia

BERZH: Ekonomia informale në Shqipëri 36%

20:21 Ekonomia

Krijohet Agjensia e Territorit/ Shkurtohen afatet për pajisjen me leje ndërtimi

17:09 Ekonomia