Këshilli i Investimeve/ Rama: Ka ikur koha kur Qeveria vendoste gjoba ndaj biznesit

Ka ikur koha kur Qeveria vendoste gjoba elektorale për biznesin.

Kështu u shpreh Kryeministri Edi Rama gjatë fjalës sëmbajtur në Këshillin e Investimeve, një bashkëpunim dhe me BERZH. Rama tha se në këto 18 muaj nga 720 milion dollarë borxhe që kishte qeveria ndaj biznesit sot 300 milionë janë larë. Rama theksoi se paraja po shkon tek i zoti.

“Krijimi i këtij Këshilli Investimesh është një moment i rëndësishëm në një përpjekje të filluar 18 muaj më parë për të adresuar problematikën e të bërit biznes në Shqipëri.

Ne kemi një eksperiencë mjaft poizitve, eksperincën e Këshillit Ekonomik Kombëtar, ku janë krijuar kushtet për një bashkëveprimm me biznesin në mënyrë që të adrejsomë sa më drejt zgjedhjen e problemeve të ekonomisë sonë.

Në këto 18 muaj mund të themi se kemi bërë jo pak për të transformuar hapësirë e të bërit ekonomi nga një hapësirë mbytëse e arbitrariteti në një hapësirë bashkëveprimi.

Nga ana tjetër ne sot jemi dëshmitarë të faktit se nëse 18 muaj më parë morrëm një tashëgimi të rëndë në raportet mes qeverisë dhe sipërmarrjes, ku pika më domethënëse ishte barra prej 720 milionë dollarë borxhe që qeveria i kishte sipërmarrjes, më shumë se sa 5% të GDP.

Sot jemi në kushtet ku mund të themi se jo vetëm 300 milionë dollarë janë kthyer mbrapsht dhe pjesa tjetër është në këtë rrugë, kthimi i parave tek i zoti”, deklaroi Rama.

Kryeministri njoftoi dhe për një ligj të ri për biznesin, i cili sipas tij do të kalojë në javët që vijnë në Kuvend. Rama tha se janë diskutimet e fundit për këtë ligj, që do hap një kapitull të ri të të bërit binzes në Shqipëri.

“Edhe sistemi i funksionimit të marrëdhënieve  mes qeverisë dhe biznesit ka ndryshuar në mënyrë rrënjësore. Sot kemi një rimbursim transparent të TVSH që ka lehtësuar veprimtarinë e sipërmarrjes.

Nga ana tjetër ne kemi vepruar dhe më shumë se kaq, për të krujar një marrëdhënie të re besimi dhe ndërveprimi me sipërmarrjen duke i zhbërë të gjitha gjobat me natyrë elektorale.

Ka triumfuar rruga e ligjit dhe arsyes jo rruga e të shkuarës ku nevoja imediate e pushtetit bënte ligjin mbi sipërmarrjen.

Këshilli i Investimeve është një krijesë e re për të krijuar një mekanizëm që falë mbështetjes se BERZH do na japë mundësi të adrsojmë drejtpërdrejt problemet e sipërmarrjes e të kërkojmë bashkë zgjidhjet për të lehtësuar procesin e investimit.

Në javët në vijim Kuvendi do miratojë ligjin e ri të investimeve që është një bazë e re që zgjeron hapësirë dhe lirinë e të investuarit dhe rrit parashikueshmërinë në procesin e investimit dhe shteti jep mbështetje për investitorët.

Jemi në diskutime për të detajuar çdo element të këtij ligji të ri dhe jemi të bindur që do kemi një kapitull të ri”, deklaroi Rama.

Ministri i Zhvillimit Ekonomik, Turizmit, Tregtisë dhe Sipërmarrjes Arben Ahmetaj , në cilësinë e Kreut të Këshillit të Investimeve të Shqipërisë, organizoi  te merkuren Mbledhjen e Parë të Këshillit në bashkëpunim me BERZH, me qëllim konstituimin e Këshillit dhe Sekretariatit dhe diskutimin e axhendës 2015. Këshilli i Investimeve është një projekt i iniciuar në shkurt të vitit 2014 me firmosjen e Memorandumit të Mirëkuptimit mes Qeverisë shqiptare dhe Bankës Europiane për Rindërtim dhe Zhvillim.

Këshilli i Investimeve u realizua në kuadër të Nismës për Klimën e Investimeve dhe Qeverisjen (NKIQ) e BERZH, një institucion që ka si qëllim zhvillimin e dialogut publik privat dhe nxitjen e veprimtarisë konkrete për përforcimin e klimës së biznesit në vend. Në përbërje të tij ka pjesëmarrës të nivelit të lartë nga Institucionet shtetërore, donatorët, partnerët ndërkombëtarë dhe komuniteti i biznesit.

Qëllimi i Këshillit të Investimeve është mundësimi i një dialogu të drejtpërdrejtë dhe aktiv mes biznesit dhe qeverisë, parashtrimi i problematikave të lidhura me klimën e biznesit dhe investimeve, raportimi i rasteve të praktikave të padrejta dhe abuzive ndaj biznesit, lufta ndaj korrupsionit, evazionit dhe informalitetit, si dhe sugjerimin e mekanizmave ligjore dhe procedurialë për parandalimin, eliminimin dhe zgjidhjen e tyre.

Në një prononcim për mediat pas përfundimit të Mbledhjes, Ministri Ahmetaj tha:

“Këshilli i Investimeve është një iniciativë e qeverisë shqiptare dhe e BERZH-it.

Këshilli i Investimeve është një instrument tjetër për të përmirësuar klimën e biznesit dhe mundësinë për të tërhequr investime të huaja.

Në atë tryezë të rrumbullakët, sipërmarrja dhe qeveria, dhe institucionet kombëtare, do të diskutojnë në detaje për të gjitha çështjet, qoftë që na pengojnë, dhe qoftë për t’i përmirësuar apo për t’i hequr ato barriera që pengojnë sipërmarrjen për tu zhvilluar.

Gjithë sfida është tërheqja e investimeve të huaja dhe Këshilli i Investimeve, unë jam i bindur, ka për të na ndihmuar të përmirësojmë klimën e biznesit në Shqipëri dhe t’i tregojmë sipërmarrjes, qoftë vendase apo të huaja, se qeveria është gati të bëjë atë që duhet të bëjë për t’ia bërë jetën të lehtë qytetarëve, në mënyrë që, ashtu siç tha dhe Alani, ashtu siç është dhe në fokus të programit të qeverisë, të kemi sa më shumë punësim, sa më shumë investimeve të huaja dhe rritje të mirëqenies së qytetarëve.

Këshilli ka një Sekretariat permanent, i cili është alokuar në Ministrinë e Ekonomisë.

Nuk varet nga Ministria e Ekonomisë. Është një Sekretariat i pavarur, i financuar nga BERZH dhe nga donatorët. Sekretariati ka rregulloren e vet dhe ka kontaktet tashmë me të gjithë sipërmarrjen.

Këshilli i Investimeve ka gjithashtu përbërjen e vet, e cila do të jetë me rotacion.

Përbërja është nga shoqata sipërmarrjeje, institucione të qeverisë, që do të ballafaqohen me njëri-tjetrin, qoftë doganat, qoftë tatimet, qoftë AIDA, apo ministria e Ekonomisë, Ministri Çuçi i Antikorrupsionit, ministrja Ermonela Felaj e Marrëdhënieve me Parlamentin. Pra, ka një përbërje, e cila do ta ndihmojë sipërmarrjen të sjellë problemet e veta, propozimet e veta dhe eksperiencën e vet’, deklaroi Ahmetaj.

Koncensioni i rrugës së Arbrit/ Ekonomia miraton marrëveshjen me kinezët

12:08 Ekonomia

Rruga e Arbërit, Haxhinasto bën publik projektin e kompanisë kineze

16:41 Ekonomia

Strategjia për Menaxhimin e Financave Publike/Cani: Stop shpenzimeve të pakontrolluara dhe detyrimeve të prapambetura

10:14 Ekonomia

BERZH: Ekonomia informale në Shqipëri 36%

20:21 Ekonomia

Krijohet Agjensia e Territorit/ Shkurtohen afatet për pajisjen me leje ndërtimi

17:09 Ekonomia

Rinovimi i eurobondit 300 milionë euro, borxh i marrë në 2010-n

13:25 Ekonomia

Marrëveshja KESH-OSHEE për tepricat e prillit, shtim likuiditeti 3 milion euro

15:55 Ekonomia

Ndryshimi i ligjit për tregun e karburanteve, ngrihet grupi i punës

12:30 Ekonomia

Viti i kthesës

17:23 Ekonomia

Patentat me pikë, sa penalizoheni për gabimet në shkeljen e rregullave të qarkullimit

12:34 Ekonomia