Te fundit
Testimi i infermierëve, Administrativja e konsideron të ligjshëm/Beqaj: Shqiptarët perceptim jo të mirë për shëndetësinë
23 Prill 2015, 11:23Sociale
TEMA
Apeli i Gjykatës Administrative ka rrëzuar padinë e ‘Urdhërit të Infermierit’, duke e konsideruar të ligjshëm urdhërin e Ministrisë së Shëndetësisë për testimin e infermierëve.
Me këtë vendim, legjitimohet urdhëri i MSH-së, duke i hapur rrugë kështu zhvillimit të testit për infermierët.
Presidenti i Urdhërit të Infermierit e çoi çështjen në gjykatë dhe sipas Sabri Skënderit ky testim ishte i paligjshëm. Por pas këtij vendimi, Skënderi ka thënë se do ta apelojë në Gjykatën e Lartë.
Një muaj më parë kjo gjykatë vendosi pezullimin e testimit, duke i lënë mundësi palëve të sjellin argumentet për realizimin dhe kundërshtimin e këtij testimi.
Ndërkohë ministri i Shëndetësisë Ilir Beqaj deklaroi se vendimi i Gjykatës Administrative të Apelit është i formës së prerë.
Megjithatë ai tha se do të rishikohen pyetjet si dhe do të rindërtohet kalendari që ishte përgatitur për shkak të shtyrjes së procesit.
“Është një vendim i formës së prerë. Duhet të rindërtojmë kalendarin që kishim përgatitur, për shkak të shtyrjes së procesit. Bashkë mund të hartojmë një proces të shëndetshëm“, deklaroi Beqaj.
Ndërkohë ministri i Shëndetësisë i pranishëm në Forumin Publik të organizuar nga Akademia e Shkencave me temë “Asimetritë e Zhvillimit: Mirëqënie sociale apo varfëri ekstreme”, theksoi perceptimin jo të mirë të shqiptarëve për kujdesin shëndetësor në vend.
Beqaj u shpreh për çështjen e mbulimit universal se “ kjo është një çështje globale dhe është një objektiv për t’u realizuar. Organizata Botërore e Shëndetësisë e ka shpallur si objektiv, por në rast se mbulimi nuk shoqërohet me akses në kujdesin shëndetësor, atëherë mbulimi universal nuk ka asnjë rëndësi”.
Në kuadër të Javës Evropiane të Vaksinimit, ministri i Shëndetësisë, Beqaj, foli per situatën e mirë të vaksinimit, duke theksuar se fëmijët shqiptarë janë të rregullt me të gjitha vaksinat.
Sipas kalendarit të vaksinimit, rreth 97% e fëmijëve vaksionohen për çdo vaksinë në moshën e përcaktuar dhe vetëm 3% e tyre nuik bëjnë vaksinën në moshën 1-vjeçare për shkak të frikës së prindërve që kjo vaksinë ka lidhje me shfaqjen e sëmundjes së autizimit.
Kjo, për ministrin Beqaj, nuk është aspak e vërtëte, pasi ka studime të mirëfillta amerikane që e tregojnë këtë fakt, pra që nuk ka lidhje vaksinimi në këtë moshë me sëmundjen. /gj.k/
2 komente në “Testimi i infermierëve, Administrativja e konsideron të ligjshëm/Beqaj: Shqiptarët perceptim jo të mirë për shëndetësinë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
kete perceptim e kishit dhe Ju z.minister para dy vjetesh
hahahhah ky Beqiri eshte i papare, sduhet marre seriozisht dreqi. Po boll more djalke me infermieret se po lene lesht neper punera dhe miliona euro fitime si ty spo marrin