Qosja për reformën e Arsimit të Lartë: Paligjshmëria dhe korrupsioni, më të leverdishme se ndryshimet që propozon ministria

Akademiku Rexhep Qosja në një intervistë për GSH, thotë se reforma në Arsimin e lartë në Shqipëri është për tu përshëndetur dhe se ata që janë kundër saj, janë të lidhur me paligjshmërinë dhe korrupsionin.

“Në arsimin e lartë shqiptar, në Shqipëri dhe në Kosovë, janë bërë shumë, shumë ndryshime. Domethënë është bërë reformë rrënjësore. Dhe, këto ndryshime, kjo reformë, ka sjellë disa të mira, por, siç shihet e siç dëgjohet, ka sjellë më shumë të këqija. Ishin këto ndryshime, ishte kjo reformë, jo e natyrshme, por e shpallur e domosdoshme prej faktorëve të jashtëm evropianë. Këto ndryshime kanë sjellë sasi por kanë cenuar cilësitë. Kjo reformë e kërkuar prej përjashta, e quajtur sistemi i Bolonjës, ka sjellë shumë universitete, shumë fakultete, shumë mastere, shumë doktorata, duke ulur cilësitë në të gjitha: në universitete, në fakultete, në mastere, në doktorata. Tani dihet sesi janë dhënë diplomat në një varg fakultetesh në Shqipëri e në Kosovë; tani dihet sesi janë blerë diploma, mastere e doktorata në Kosovë dhe në Shqipëri! Po dëgjoj se në Kosovë plagjiaturat pothuaj janë bërë të ligjshme: me to fitohet titull shkencor në fakultete dhe me to bëhesh anëtar në Akademinë e Shkencave e të Arteve.
Korrupsioni, thuhet, ka shtrirje të gjerë e të thellë në universitete, sidomos në universitetet publike.
Po i përcjell përpjekjet reformuese që po bëhen në arsimin e lartë në Shqipëri. Me shumë nderim i shikoj paraqitjet e ministres së arsimit, Lindita Nikolla, kur e shpjegon reformën arsimore në Shqipëri. Ajo është ministre që ka mendim të sistemuar, që ka parimësi, që mendimet e veta gjithnjë i shpreh me maturi, dinjitetshëm, që di të jetë plotësisht e bindshme. Por, megjithatë, shumë nga argumentet e saj, sado të arsyeshme, sado të dobishme për shërimin e arsimit të lartë, po mohohen! Pse? Sepse të paligjshmet, privilegjet, korrupsionet, lehtësirat që cenojnë cilësitë, janë më të leverdishme se ndryshimet që propozon ajo! ka theksuar  akademiku Rexhep Qosja.

VIDEO/ Zhgënjim i azilantëve të kthyer

18:40 Sociale

Ndalimi i shqiptarëve në kufi është një gabim i rëndë, që nuk duhet të ndodhë

21:09 Sociale

Një histori frymëzimi e një shqiptari në Amerikë

19:48 Sociale

Frenimi i emigracionit, Policia Kufitare kthen çdo ditë mesatarisht 185 persona

15:54 Sociale

Si e marrin lejen e qëndrimit shqiptarët në BE

21:40 Sociale

"Mos mendoni se do gjeni parajsën në Gjermani"

15:38 Sociale

Ndryshimet në Kodin e Punës/ Jo më rikthim në detyrë me vendim gjykate

11:34 Sociale

Mbështetja nga Fondi shqiptaro-amerikan/Kredi të buta për bizneset e reja

10:52 Sociale

Firmoset kontrata e konsulencës me “Jv Railcon” për linjën hekurudhore Durrës-Tiranë

21:02 Sociale

FOTOT/ Lumenjtë, “koshi” i madh i plehrave

16:15 Sociale