Komisoni Qëndor i Zgjedhjeve i ka kërkuar zyrtarisht sot mediave në vend të mos pasqyrojnë aktivitet elektorale që partitë kanë nisur në funksion të zgjedhjeve të 21 qershorit.

Kjo kërkesë absurde justifikohet prej faktit se sipas KQZ-së partitë shqiptare po shkelin kodin zgjedhor dhe kanë nisur fushatën më herët se data 22 maj, kur ajo nis zyrtarisht.

Për hir të transparencës karshi publikut, Vizion Plus sqaron opinionin se do të transmetojë cdo tubim, takim, aktivitet, ngjarje që është me interes publik, pasi nuk është KQZ ajo e cila përcakton atë që është e vlefshme për qytetarët, por janë mediat ato të cilat kanë përgjegjësinë e informimit për cfarë ndodh në vend.

Kjo logjikë totalitare e bllokimit të transmetimit të ngjarjeve mund të nisë në kërë formë, por nuk është cudi që më pas, për të njëjtat pretekse të bllokohet edhe transmetimi i ngjarjeve të ndryshme që sipas segmenteve të caktuara mund të konsiderohen të jashtligjshme. Sipas këtij arsyetimi cdo lloj proteste e pa lajmëruar në polici si ajo e fundit në Kukës, cdo tubim si ai në Mariznë, cdo përplasje e bandave dhe cdo lloj ngjarje tjetër e paligjshme, duhet censuruar.

Nga ana tjetër pretendimi i KQZ-së se po shkelet kodi zgjedhor është i pavertetë dhe i pavend. Kodi përcakton sjelljen e partive dhe mediave gjatë fushatës, cka në mënyrë rigoroze ka të bëjë me hapësirën, regullat dhe kohën që i jepet cdo subjekti apo kandidati në 30 ditë. Por askush në asnjë vend të botës nuk mund të pengojë, fjala vjen, një kandidat që vendos të bëjë 4 vjet fushatë elektorale dhe asnjë media që mendon se pasqyryrimi i këtij aktiviteti ka interes publik. Sepse po t’i qëndrojmë krahasimeve, nëse në Shtetet e Bashkuara do të ishte një komison elektoral si ky i yni, atëherë duhet bllokuar edhe fushata kandidates Hillari Klinton, që ka nisur betejën e saj për Shtëpinë e Bardhë 2 vjet përpara zgjedhjeve.

Vizion Plus siguron qytetarët se do të vazhdojë misionin e pakompromis të informimit duke mos marrë parasysh këto kërcënime absurde që vijnë të frymëzuara nga segmente mediatike që ngjarjet politike i kanë parë jo si burim të informimit, por si bonuse financiare për përfitime.

1 komente në “Vizion Plus reagon ashpër ndaj KQZ dhe i konsideron censurë deklaratat e saj”

dn says:

5 Maj, 2015 19:00 te 7:00 pm

Problemi nuk eshte média qe rapportojne po politikanet qe fillojne fushaten jashte ligjit!pra Kqz-ja a i ka bâ nje verejtje Kryeministrit per fushaten elektorale edhe abuzimet me fondet publike ne favor te aleances se tij?
Ka faj gazetat apo kryeministri qe bene mitingun?ka faj vision plus apo erion veliaj qe cdo dite sjell nje haber tjeter vetem me saturuar mass médian?

Përgjigjjuni