Gauck-Nishani: Gjermania do të ndihmojë Shqipërinë në përmbushjen e reformave

“Gjermania do të vijojë ta ndihmojë Shqipërinë siç ka bërë deri më sot, deri në përmbushjen e plotë të reformave që e forcojnë më tej shtetin ligjor dhe që e afrojnë vendin tuaj me Bashkimin Evropian”.

Kështu u shpreh Presidenti gjerman Joachim Gauck, gjatë takimit të zhvilluar në Berlin me homologun shqiptar Bujar Nishani.

Gjatë takimit u bisedua për forcimin dhe zgjerimin e mëtejshëm të marrëdhënieve midis dy vendeve, reformat që Shqipëria po kryen në kuadrin e procesit të integrimit evropian si edhe për çështje të tjera lidhur me sigurinë dhe rajonin e Ballkanit Perëndimor.

Në përgjigje të interesit të Presidentit Gauck lidhur me numrin në rritje të azilkërkuesve shqiptarë, Kreu i Shtetit shqiptar vuri në dukje se ka udhëzuar qeverinë për të lehtësuar maksimalisht riatdhesimin dhe riintegrimin e tyre si dhe vijimin e fushatës sensibilizuese për dekurajimin dhe frenimin e këtij fenomeni shqetësues.

“Gjermania mbetet një nga donatorët më të mëdhenj për Shqipërinë dhe falë kësaj ndihme bujare, është bërë e mundur rimëkëmbja ekonomike e sociale e vendit pas rënies së regjimit komunist si dhe forcimi i institucioneve demokratike”, u shpreh Nishani.

Ai e garantoi homologun gjerman se Shqipëria është shumë e vendosur për të kryer të gjitha reformat e nevojshme që e afrojnë dhe integrojnë vendin me Bashkimin Evropian.

“Shqipëria sot është vend kandidat për në Bashkimin Evropian, dhe ju siguroj se ne shqiptarët nuk kemi një alternativë tjetër B, por jemi tërësisht të fokusuar në përmbushjen e reformave dhe standardeve të nevojshme për integrimin e vendit në Union”, u shpreh Presidenti Nishani.

Duke u ndalur në reformat e ndërmarra Kreu i Shtetit evidentoi vëmendjen e madhe që ai personalisht i kushton reformës në fushën e drejtësisë si njërës prej reformave kyçe për forcimin e institucioneve dhe të shtetit ligjor në Shqipëri, por edhe për luftën ndaj korrupsionit brenda sistemit të drejtësisë.

Në këtë kontekst Presidenti u shpreh se “për të pasur një sistem funksional drejtësie duhet të promovohen njerëz me integritet dhe profesionalizëm e që kanë vullnetin e plotë për t’i çuar reformat më përpara. Për këto reforma do të duhet të punohet ngushtë me Komisionin e Venecias dhe ekspertët e EURALIUS-it, ku një rol shumë të rëndësishëm luajnë dhe ekspertët gjermanë”.

Gjithashtu, Presidenti Nishani i kushtoi një vëmendje të veçantë edhe bashkëpunimit ekonomik mes dy vendeve duke evidentuar eksperiencën e mirë të deritanishme dhe mundësitë ende të pashfrytëzuara, veçanërisht në sektorët strategjikë si energjia, industria minerare, infrastruktura, bujqësia, etj.

Me shumë interes u bisedua edhe rreth çështjeve të sigurisë duke u fokusuar në kërcënimet që i vijnë shoqërisë së sotme nga organizatat terroriste dhe domosdoshmërinë për të reaguar në kohezion dhe koordinim mes vendeve partnere.

Në llogaritë e Becchetit gjenden vetëm “çikërrima”, milionat e eurove i ka nxjerrë jashtë Shqipërisë

09:56 Politika

Basha dhe 680-ta, Rama-Meta dhe 58-ta

09:50 Politika

Ish-shoferi i Greta Koçit dënohet me burg, kërkonte të merrte për grua këngëtaren

09:31 Politika

Jeta sekrete e Fidel Kastros

09:21 Politika

Rama: Sulmet e PD ndaj gruas së Erion Veliajt, faqja e zezë e një partie të dëshpëruar

09:18 Politika

E majta tubime elektorale në Fier dhe në Lushnje/ Rama: Edhe demokratët të votojnë për ne që të zgjohet nga gjumi Basha

20:35 Politika

Ben Blushi: Një urim në festën e Partisë Socialiste, që parti nuk është më

20:30 Politika

Qeveria tërhiqet nga arbitrazhi me “Rapiscan” nën këshillimin e Cherie Blair

20:24 Politika 2 komente

Policia merr në mbrojtje kandidatin e PD-së për Pogradecin

20:00 Politika

FOTOT/ Zbulohen faktet që vërtetojnë përpjekjet e Fiqiri Ismailit për të blerë votat me miell në Vorë

19:13 Politika