Te fundit
Arrestohen sekserët, merrnin para për një vend pune apo nota kaluese në provime
24 Qershor 2015, 13:35Kronika
TEMA
Dy shtetas u arrestuan nga policia e Durrësit nën akuzën e ushtrimit të paligjshëm ndaj personave që ushtrojnë funksione publike. Sipas policisë të arrestuarit përfitonin shuma të ndryshme parash për një vend pune apo për kalimin e studentëve në provime.
Policia bëri të ditur se Bardhyl Xhakollari u arrestua nga Specialistët kundër Krimit Ekonomik dhe Financiar në Komisariatin e Policisë Durrës në bashkëpunim me Prokurorinë e Rrethit Gjyqësor Durrës, pas një hetimi disa mujor.
52-vjeçari u ndalua pasi i kishte premtuar shtetasit D.B 37 vjeç,banues në Durrës, se do ndërhynte për të punësuar bashkëshorten e tij si mësuese, kundrejt pagesës prej 3000 euro.
Gjykata e Rrethit Gjyqësor Durrës, me vendimin Nr.276/3, datë 23.06.2015 ka caktuar masën e sigurisë “Arrest në burg”për veprën penale”Ushtrim i ndikimit të paligjshëm ndaj personave që ushtrojnë funksione publike”.
Po kështu Ramiz Tepshi u ndalua po ashtu nga Specialistët kundër Krimit Ekonomik dhe Financiar në Komisariatin e Policisë Durrës në bashkëpunim me Prokurorinë e Rrethit Gjyqësor Durrës ,pas një hetimi disa mujor.
Arrestimi i tij erdhi, pasi Gjykata e Rrethit Gjyqësor Durrës, me vendimin Nr. 740/2, datë 23.06.2015 ka caktuar masën e sigurisë “Arrest në burg”për veprën penale”Ushtrim i ndikimit të paligjshëm ndaj personave që ushtrojnë funksione publike”dhe”Korrupsion pasiv”.
Ky shtetas u premtonte studentëve në Universitetin “Aleksandër Moisiu”marrjen e provimeve kundrejt një shume të caktuar.
1 komente në “Arrestohen sekserët, merrnin para për një vend pune apo nota kaluese në provime”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Duhet arestuar edhe drjtori i drejtorise arsimore sepse ai nuk mund te beje sekserin ne rast se nuk ka njeri atje qe ta mbeshtesi.