Vendet e Evropës Qendrore, Lindore dhe Juglindore bashkojnë përpjekjet për ndërtimin e një infrastrukture të munguar të rrjeteve të gazit si mundësi për diversifikimin e burimeve dhe sigurinë e furnizimit me energji.

Ministri i Energjisë dhe Industrisë Damian Gjiknuri mori pjesë në takimin e Grupit të Nivelit të Lartë të inisiativës për rrjetin ndërlidhës të Gazit i cili u organizua në Dubrovnik nga Komisioni Europian dhe Ministria e Zhvilimit Ekonomik të Kroacisë.

Gjiknuri vlerësoi rëndësinë e veçantë që ka procesi i ndërlidhjes së Gazit në Europën Qendrore dhe Jug-Lindore (CESEC) dhe ndikimi i tij direkt në sigurinëdhe diversifikimin e furnizimit me burime të reja energjetike të rajonit dhe më gjerë.

Gjiknuri vlerësoi gjithashtu edhe rëndësinë e pjesëmarrjes së Shqipërisë në një procestë tillë të ideuar dhe drejtuar nga Bashkimi Evropian me pjesëmarrjen edhe tëpërfaqësuesve të Shteteve të Bashkuara të Amerikës.

Ministri i Energjisë u ndal konkretisht tek fakti se Korridori Jugor i Gazit, pjesë e të cilit është edhe gazsjellësi Trans Adriatik (TAP), duhet të shihet si një ndër projektet kyçe të infrastrukturës së gazit në Europë.

Duke patur në konsideratë që projekti TAP është i përfshirë në listën e Projekteve Prioritare të CESEC, Ministri Gjiknuri theksoi në mënyrëtë veçantë rëndësinë që ka përfshirja e projektit të gazsjellësit Jonian Adriatik (IAP), në grupin e projekteve potenciale të CESEC, gjë e cila u mor në konsideratë.

Nga përfaqësues të BEI dhe të BERZH u prezantuan qëndrimet dhe vlerësimi i këtyreinstitucioneve të rëndësishme financiare, përsa ka të bëjë me çështjet kryesore tëanalizimit të maturisë dhe efektivitetit financiar të projekteve të ndërlidhjes të përfshiranë Planin e Veprimit, si dhe për rëndësinë e mbështetjes së tyre.

Gjatë diskutimeve u prezantuan materiale për disa projekte të rëndësishme të zhvillimit tësektorit të gazit nga ana e kompanive lider në këtë fushë si Exxon, BP, SOCAR,Cherniere, etj.

Në këtë takim ishin të pranishëm zv.Presidenti i Komisionit Evropian Maros Sefcovic, Komisioneri Evropian për Energjinë Miguel Arias Canete dhe ministrat e energjisë së Shqipërisë, Austrisë, Bullgarisë, Kroacisë, Greqisë, Hungarisë, Italisë, Rumanisë,Sllovakisë, Sllovenisë, Maqedonisë, Serbisë dhe Ukrainës etj.

Pjesëmarrësit në tryezë firmosën një Memorandum Mirëkuptimi, dokument i cili skicon rrugën për një integrim më të ngushtë të tregjeve të Bashkimit Evropian dhe vendeve tëKomunitetit të Energjisë.

Forcimi i rregullatorit dhe bazës ligjore të tregut, vlerësohet se do të ndihmojë për përmirësimin e klimës së investimeve në këto vende nënshkruese. Puna nën iniciativën e Komisionit Evropian për ndërlidhjen e rrjetit të gazit në Evropën Qendore, Lindore dhe Juglindore nuk do të fokusohet vetëm tek ndërtimi i gazsjellësve të rinj, por gjithashtu në gjetjen e rrugëve për të shfrytëzuar maksimalisht infrastrukturën ekzistuese.

Disa prej projekteve të kësaj infrastrukture si Gazsjellësi Trans-Adriatic (TAP), terminali LNG në Kroaci dhe sistemi i evakuimit, interkonektorët mes Greqisë dhe Bullgarisë apo mes Serbisë dhe Bullgarisë janë identifikuar si ndër prioritetet kryesore në planin e veprimit bashkëlidhur memorandumit.

Në përgjithësi, projektet do të financohen nga pjesëtarët e tregut por kur do jetë e nevojshme për kompletimin e tyre, do të merret në konsideratë edhe përfshirja e Bankës Evropiane të Investimeve dhe Bankës Evropiane për Rindërtim dhe Zhvillim.

Promovuesit e projekteve inkurajohen veçanërisht të përdorin mundësitë që ofrohen nga Fondi i ri Evropian për Investimet Strategjike.

2 komente në “Samiti i Dubrovnikut/Angazhim për ndërtimin e infrastrukturës së munguar të rrjetev të gazit”

Zgjidhja says:

11 Korrik, 2015 14:15 te 2:15 pm

Njohim ecurin vazhduese në planet me interes të gjithanshëm.

Përgjigjjuni
Dreni says:

11 Korrik, 2015 14:17 te 2:17 pm

Në këtë takim ishin të pranishëm zv.Presidenti i Komisionit Evropian Maros Sefcovic, Komisioneri Evropian për Energjinë Miguel Arias Canete dhe ministrat e energjisë së Shqipërisë, Austrisë, Bullgarisë, Kroacisë, Greqisë, Hungarisë, Italisë, Rumanisë,Sllovakisë, Sllovenisë, Maqedonisë, Serbisë dhe Ukrainës etj.

Haaaaaaaaaaaaaaaaaaaaaaaaaaaaaa Po Kosova nuk ishte????????????????????

Përgjigjjuni