Braho: Nuk heqim dorë nga Byroja e Hetimit, në shtator nisim punën për ligjin e ri

Maxhoranca nuk ka ndërmend të heqë dorë nga krijimi i Byrosë kombëtare të hetimit. Madje sipas kryetarit të komisionit të Sigurisë Spartak Braho ligji po punohet duke reflektuar në të vendimin e kushtetueses që e rrëzoi FBI-në shqiptare pak muaj më parë.

Detajet e ligjit të ri të përshtatur me vendimin e Gjykatës Kushtetuese i shpjegon për A1 Report kreu i komisionit të Sigurisë, Spartak Braho.

“E tërë veprimtaria e byrosë kombëtare të hetimit do të trajtohet sipas dispozitave të Kodit të Procedurës Penale. Padyshim që do të ketë riformulime dhe rispecifikime më të sakta për të hequr çdo paqartësi që krijohet nga formulimet e para. Është një strukture që do të drejtohet nga pikëpamja administrative nga Policia e Shtetit dhe nga pikëpamja ligjore do të drejtohet nga Prokurori i Përgjithshëm apo prokurorët sipas seksioneve në rrethe. Në sesionin e shtatorit është një ndër ligjet që do të bëhen pjesë e axhendës së Kuvendit”, tha Braho.

Sipas tij, Gjykata Kushtetuese nuk ka rrëzuar faktin që Byroja Kombëtare e Hetimit do të ngrihet, ka bërë vërejtje për disa dispozita te ligjit për Policinë e Shtetit, ku parashikohet struktura e Byrosë Kombëtare të hetimit.

“Kjo është një strukturë në varësi të ministrisë së Punëve të Brendshme të Policisë së Shtetit që do të merret me hetimin e disa krimeve në fushën e korrupsionit dhe që të gjitha veprimet e saj do të ndiqen dhe drejtohen nga prokuroria e shtetit.

Pra nuk ka dalje, nuk ka një strukturë paralele hetimi, siç u keqkuptua ndoshta edhe në ligj duhet të ishin sqaruar më mirë, por ka një strukturë policore-administrative e cila do të merret me ndjekjen, grumbullimin, me hetimin, investigimin e fakteve që lidhen me veprimtarinë kriminale në fushën e korrupsionit.

Theksoj që kjo strukturë do të jetë kombëtare, e ndarë në të tëra degët që ka Ministria e Brendshme në shkallë rrethesh apo qarqesh. Por të gjitha veprimet do të zhvillohen nën drejtimin e prokurorisë, është ajo që do të japë leje për hetime, gjurmime. E tërë veprimtaria do të drejtohet sipas dispozitave të Kodit të Procedurës Penale”, thekson Braho.

Për Kryetarin e Komisionit të Sigurisë në shtator, që përkon me nisjen e sesionit të ri parlamentar, ky do të jetë një nga ligjet e para që do të bëhet pjesë e axhendës.

“Do të ketë riformulime dhe rispecifikime më të sakta për të hequr çdo paqartësi që u krijua nga formulimet e para”.

Pushteti vendor, PS-FRD negociata për përfaqësimin/Propozohet Andi Seferi për Nënkryetar i Tiranës

12:50 Politika

Raporti i DASH për trafikimin/ Ambasada e SHBA: E turpshme që në parlament është një deputet me dënime për trafikimin e njerëzve

12:33 Politika

Këshilli Bashkiak Pogradec/KQZ rrëzon aktin që kërkonte ndryshimin e mandateve

12:15 Politika

Raportuesi për Ballkanin në Bundestagun gjerman flet për TemA Tv/ Juratoviç: Gjermania i ka hapur derën Shqipërisë për në BE

11:18 Politika

Et’hem Ruka: Rama duhet të kishte bërë zgjedhjet për kreun e PS. Partia mbështetet mbi statut dhe jo mbi koncepte

11:16 Politika

Zbardhen korrespondencat/Si mbeti Bujar Nishani pa shtëpi pushimi?

10:49 Politika

Grabitet banesa e Arben Ristanit tek Gjiri Lalzit

10:17 Politika

Ngjarja në Bulqizë/ MEI reagon pas akuzave të PD-së: PD përdor politikisht aksidentet, kur vet stimuloi shfrytëzimin barbar të minatorëve

19:16 Politika

Ministria e Jashtme hap dosjet për publikun/Zbulohen dokumentet nga 1912 deri më sot

18:49 Politika

Auditimi i financimit të partive drejt dështimit/ Audituesit: Tarifat qesharake

17:47 Politika