Te fundit
Basha në Bruksel: Gati programin tonë qeverisës për t'i dhënë zgjidhje krizës së Ramës
2 Shtator 2015, 12:18Politika
TEMA
Kryetari i Partisë Demokratike, Lulzim Basha po merr pjesë në Asamblenë Politike të Partisë Popullore Europiane (PPE) e cila pritet të votojë për kërkesën e Partisë Demokratike për t’u bërë anëtare me të drejtat të plota e PPE. Emigracioni ka zënë një vend të rëndësishëm në ditën e parë të punimeve të kësaj asambleje.
Kritika të ashpra kanë ardhur nga përfaqësues gjermanë të asamblesë politike të EPP-së, të cilët kanë venë në pah se në Gjermani ndihen pasojat e humbjes së perspektivës së qytetarëve shqiptarë si pasojë e zhbërjes së standardeve demokratike në Shqipëri, gjë të cilën Lulzim Basha e ka denoncuar prej muajsh në Partinë Popullore Europiane. Keqqeverisja që ka çuar në krizë ekonomike, korrupsioni, promovimi i personave me rekorde kriminale në postet më të larta drejtuese që nga parlamenti, qeverisja vendore, administrata, policia etj, janë shkaqet kryesore të rritjes galopante të numrit të azilërkuesve shqiptarë në Gjermani. Eurodeputetët e kanë konsideruar tejet shqetësues një numër kaq të lartë azilkërkuesish për një vend që ka statusin e kandidatit për anëtarësim në Bashkim Europian si Shqipëria. Kryetari i Partisë Demokratike, Lulzim Basha u takua me presidentin e Partisë Popullore Europiane, Joseph Daul, kryetarin e Komisionit të Punëve të Jashtme të Parlamentit Europian, Elmar Brok, eurodeputetet Kukan, Fleckenstein, Rubig dhe zyrtarë të tjerë të lartë europiane.
Procesi zgjedhor i 21 Qershorit ku zgjedhësve iu mohua nga dyshja Rama -Meta të shprehnin lirshëm vullnetin e tyre, blerja e votës, presionet ndaj administratës, votuesve dhe institucioneve, mungesa e vullnetit nga ana e mazhorancës për të zbatuar marrëveshjen e dekriminalizimit dhe kandidimi në zgjedhje i personave me rekorde kriminale, ishin disa prej shqetësimeve kryesore të ngritura në këto takime. Partia Demokratike, theksoi zoti Basha, do të ketë së shpejti gati programin e saj qeverisës e cila do t’i japë zgjidhje situatës së rëndë ekonomike në vend, zhbërjes së standardeve demokratike dhe do kthejë shpresën qytetarëve që ta shohin të ardhmen në vendin e tyre dhe jo të shohin si rrugëzgjidhje emigrimim. Zoti Basha ka marrë mbështetjen e presidentit Daul për të ofruar ndihmën e PPE për programin qeverisës të demokratëve.
7 komente në “Basha në Bruksel: Gati programin tonë qeverisës për t’i dhënë zgjidhje krizës së Ramës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ky po që të mbaron punë …!
Programi i PeDe’së bazohet ne nastradinët si puna e lulushit….. Çmund të pritet nga një nastradin që sa mori bashkinë e tiranës hapi polici private e firmë karotreci e ruante cepave qytetarët….
Ankohet te armiqt
PD-ja ka per te dale nga opozita … madje duhet te kishte dale per shkak te numrit te paket te votueseve , mbeshtetesve … PD-ja nuk eshte me ne konkurence me qeverine por me LSI-ne … nje nga keto dy forca partiake duhet te dali ne opozite … LSI-ja ka per ti zene vendin Pd-se ne opozite … ne zgjedhjet e ardhshme 2017 … PD-ja po humbet dita dites …
Ik lul se as hija jote nuk po të ndjek më.
Ky po ta mbush mendjen, fjalet e tij ngjitin si zamke por vetem nje gje eshte e paqarte pse ka pas vetes 200 der ne 300 veta ne mitingjet e famshme
NJE keshille shoqerore Bashes kur ste degjon femija dhe vlezeria s ka si te degjoj fqinjesia U benje kohe qe je kryetare kukull dhe nuk ke dhene deri tani asnje mendim te pjekur ti dhe ekipi juaj ekonomik dhe politik per zgjidhjen e problemit ESHte mire te bindesh opinion per punet qe ke bere kundra kosovareve si dhe ne shqiperi pastaj akuza ndaj qeverise aktuale Do tme pelqente qe kritikat ndaj qeverise ti bente shoqeria civile se eshte me e beshueshme dhe partite me teper te perqendrohen ne dhenien e alternativave per zgjidhje te gjendjes se tanishme Emrin e ke lulezim por deri tani nuk ke lulezuare por ke nxjer vetem gjemba per te gjembual ose duhesh shartuare ose shkulur vendimin do ta jap Partia jote dhe populli