Prokuroria: Qëllimi i Ismailaj vjedhja e CEZ, përvetësoi 512 mln lekë

Pas përfundimit të hetimeve, Prokuroria e Tiranës ka ngritur dy akuza ndaj Kastriot Ismailaj, atë të “Mashtrimit” dhe :Pastrimit të produkteve të veprës penale”.

Sipas Prokurorisë qëllimi i Ismailaj nuk ka qenë mbledhja e parave të CEZ por vjedhja e parave të shoqërisë “CEZ Shpërndarja”.

Për realizimin e qëllimit të tij kriminal, i pandehuri Kastriot Ismailaj ka pasur si bashkëpunëtor personin nën hetim  Josef Hejsek, me detyrë Kryetar i Bordit Drejtues  të kësaj shoqërie. I pandehuri Kastriot Ismailaj, duke përdorur të dhëna të rreme dhe dokumenta fiktive në bashkëpunim me shtetasin Josef Hejsek,  ka  përfituar në mënyrë të kundraligjshme shumën  512 004 420 lekë, duke i shkaktuar pasoja të rënda për shoqërinë “CEZ Shpërndarja”, si rrjedhojë edhe për shtetin shqiptar, i cili ka zotëruar 26% të  aksioneve të kësaj shoqërie. Paratë e përfituara nëpërmjet mashtrimit (vjedhjes), i pandehuri Kastriot Ismailaj nuk i ka përdorur me  qëllim realizmin e  kontratës,  por i ka rinvestuar, i ka transferuar  jashtë vendit apo i ka përdorur  për qëllime personale.”

Njoftimi i plotë i Prokurorisë së Tiranës:

Gjatë hetimit, për të cilin gjendet nën masën e sigurisë ”arrest në burg” i pandehuri Kastriot Ismailaj, Prokuroria ka evidentuar dy episode të ndryshme, të lidhura me personin e akuzuar.

I pandehuri Kastriot Ismailaj ka krijuar kompaninë ”ADC” në vitin 2005, me objekt “Këshillimi, dhe financim për promovimin e zbulimit, zhvillimit, përpunimit  dhe prodhimin e mineraleve, si dhe infrastrukturën e projekteve energjetike”.

Nga hetimet e Prokurorisë Tiranë ka rezultuar se kjo shoqëri është  fiktive  sepse nuk ka zhvilluar aktivitet  ekonomik, por në llogaritë e kësaj shoqërie janë kryer transaksione financiare që shkojnë në disa milionë euro. Vlera e transaksioneve të kryera nëpërmjet shoqërise “ADC” është në hyrje në vlerën 9.8 milionë dollarë dhe 800,000 euro. Ndërsa transferat dalëse për transaksionet jashtë vendit janë në shumën dalje  4.1 milionë dollarë dhe 11 mijë euro.

Për të gjithë transaksionet hyrëse dhe dalëse nuk ka asnjë dokument justifikues. Me vendim të Gjykatës së Rrethit Gjykatës së rrethit Gjyqësor Tiranë është vendosur sekuestrimi i të gjitha parave të ndodhura  në llogaritë e shoqërisë “Adriatic Development Corporation Ltd”, si dhe të llogarive të shtetasit Kastriot Ismailaj. Shuma e gjetur dhe e sekuestruar në llogaritë e kësaj shoqërie në total është 4.2 milionë dollarë dhe 455.000 euro si dhe 12.5 milionë lekë, pranë dy bankave të ndryshme të nivelit të dytë në Shqipëri. Transfertat hyrëse shoqëria “Adriatic Development Corporation” shpk, i ka përfituar kryesisht nga shoqëria “Hassans Client”, me qendër në Gjibraltar, dhe një pjesë tjetër nga disa shoqëri me qendër në  Zvicër.

Më pas, paratë e përfituara, janë transferuar në shoqëri dhe individë të ndryshëm me vendodhje në Zvicër, në Francë, në Angli, në Kongo, në SHBA, si edhe në Afrikën e Jugut etj. Gjatë periudhës 2006-2015, për transfertat hyrëse dhe dalëse, përgjithësisht nuk ka dokumenta mbështetëse që të justifikojnë vlerat e arkëtuara/paguara. Ka rezultuar se shtetasi nën hetim, Kastriot Ismailaj, ka tërhequr nga llogaria e shoqërisë shumat 930.000 dollarë, 80,500 euro, si edhe ka bërë pagesa për kartën e tij të kreditit në shumat 11,725 USD dhe 15,652 euro.

Për faktet e mësipërme, Prokuroria e Tiranës ka ngritur ndaj shtetasit Ismailaj akuzën e  “Pastrimit të produkteve të veprës penale”, ndërkohë që po vijon hetimi për transaksionet, që vlerësohen dukshëm të dyshimta.

Shoqëria “DIA” është regjistruar në vitin korrik 2010 në British Virgin Island nga një shtetase shqiptare, e cila ka emëruar si përfaqësues ligjor të kësaj kompanie në Shqipëri shtetasin Kastriot Ismailaj, të emërtuar ”DIA-Dega Shqipëri”. Në regjistrin tregtar shqiptar, kjo kompani është regjistruar me aktivitet“Investime financiare, mbledhje detyrimesh, konsulta në fusha të ndryshme, në burimet natyrore, energjitike, infrastrukturën energjitike, transport ndërkombëtar në rrugë ajrore, rrugore, detare, hekurudhore, shit-blerje aksionesh, tregëtimi, import-eksport i përgjithshëm i mallrave dhe shërbimeve”.

Me datën 01.09.2010 subjektet “Debt International Advisory” Ltd – Dega Shqipëri dhe “Operatori i Sistemit të Shpërndarjes” Sh.A. kanë lidhur një marëveshje për shërbimin e mbledhjes së borxhit. Objekti i marëveshjes ka qënë, ndër të tjera, detyrimi i të porositurit të mbledhë prej debitorëve të porositësit, me mbështetjen dhe shpërblimin e porositësit të gjitha borxhet dhe kamatat që kanë kaluar afatin prej 90 ditësh, duke përdorur mjete juridike të përshtatshme.

Kjo marëveshje është firmosur nga i pandehuri Kastriot Ismailaj, me cilësinë e përfaqësuesit të shoqërisë “Debt International Advisory” Ltd – Dega Tiranë dhe shtetasi Josef Hejsek, aktualisht person në hetimin, me detyrë Kryetar i Bordit Drejtues të “Operatori i Sistemit të Shpërndarjes” Sh.A.

Marëveshja e parë nuk u miratua nga bordi drejtues i shoqërisë ”CEZ Shpërndarja” dhe për këtë arsye, më datë 01.02.2011, midis këtyre palëve është nënshkruar një marëveshje e dytë me të njëjtin objekt dhe për një afat dy vjeçar. Kjo marrëveshje është zgjidhur në muajin Tetor të vitit 2011.

Nga tërërësia e të dhënave të administruara gjatë hetimit të këtij proçedimi penal arrihet në konkluzionin se qëllimi i shtetasit Kastriot Ismailaj nuk ka qënë mbledhja e borxhit të shoqërisë dhe as kryerja e ndonjë pune reale, por vjedhja e parave të shoqërisë “CEZ Shpërndarja”.

Për realizimin e qëllimit të tij kriminal, i pandehuri Kastriot Ismailaj ka pasur si bashkëpunëtor personin nën hetim  Josef Hejsek, me detyrë Kryetar i Bordit Drejtues  të kësaj shoqërie. I pandehuri Kastriot Ismailaj, duke përdorur të dhëna të rreme dhe dokumenta fiktive në bashkëpunim me shtetasin Josef Hejsek,  ka  përfituar në mënyrë të kundraligjshme shumën  512 004 420 lekë, duke i shkaktuar pasoja të rënda për shoqërinë “CEZ Shpërndarja”, si rrjedhojë edhe për shtetin shqiptar, i cili ka zorëruar 26% të  aksioneve të kësaj shoqërie. Paratë e përfituara nëpërmjet mashtrimit (vjedhjes), i pandehuri Kastriot Ismailaj nuk i ka përdorur me  qëllim realizmin e  kontratës,  por i ka rinvestuar, i ka transferuar  jashtë vendit apo i ka përdorur  për qëllime personale.

Në këtë mënyrë  ky shtetas  ka kryer veprën penale të “ Mashtrimit me pasoja të rënda, të kryer në bashkëpunim” të parashikuar nga neni 143/2 të  Kodit Penal, si dhe veprën penale të “ pastrimit të produkteve të veprës penale”  të parashikuar nga neni 287 të Kodit penal.

VIDEO/ Shërbim 24 h?! Urgjenca nuk i përgjigjet telefonatës

10:35 Kronika

Shkatërrohet super-banda e drogës në Greqi, “truri” ishte shqiptar

10:26 Kronika

“Merrte drogën dhe nuk e paguante, disa veriorë e kërkonin prej kohësh”, detajet e vrasjes së Landit të Mirasit

10:02 Kronika

Amnistia/ Nuk falen Mark Frroku dhe Tom Doshi

09:55 Kronika

I mohuan lidhjen me njeriun e zemrës, vetëflijohet 17-vjeçarja në Fier

09:51 Kronika

Nën hetim prefekti i komanduar i Lezhës: Vodhi 300 mln lekë

09:33 Kronika

Mark Frroku, javën e ardhshme nis hetimi i pasurisë

18:33 Kronika

Detajet e Policisë/ Ja si u ekzekutua “Landi i Mirasit”

17:01 Kronika

ARMËMBAJTJE PA LEJE / Gjykata Kushtetuese shfuqizon nenet e dënimit nga 7 deri 15 vjet burg

16:50 Kronika

Gjendet i vrarë në një kanal "Landi i Mirasit"

10:47 Kronika