Te fundit
VIDEO/ Ja si u lanë peng 30 mijë euro për prokurorin Giu
13 Janar 2016, 16:44Kronika
TEMA
Report TV publikon për herë të parë pamjet ekskluzive të prokurorit Haxhi Giu dhe Aleks Shporit të fiksuara më 29 tetor 2015 në pikën e këmbimit valutor në Tiranë, pikë në të cilën ata tërheqin 29 mijë eurot e lëna si garanci nëse Gjon Shpori vëllai i Aleksit do të lirohej nga burgu.
Për herë të parë nga arrestimi i prokurorit të Krujës për korrupsion, Report Tv zbardh ekskluzivisht dosjen që çoi në pranga Haxhi Giun i cili njihet dhe si prokurori i dosjes së Azem Hajdarit.
Foto frekuencat i përkasin datës 29 tetor 2015, ku prokurori është fiksuar në një zyrë këmbimi valutor në kryeqytet ku ai së bashku me familjarët e të arrestuarit Gjon Shpori tërheqin paratë e lëna si garanci, pasi nuk lirua nga burgu ky i fundit i arrestuar për trafik droge.
Personi që shihni me rreth të kuq me xhaketë të bardhë është prokurori Giu i cili sipas hetimeve të akuzës është futur në exchange sëbashku me Aleks Shporin e më pas dhe Paulin Shporin.
Këto pamje dhe dëshmia e Aleks Shporit dhe ky i arrestuar, janë ndër provat e prokurorisë së krimeve të rënda që rëndojnë mbi prokurorin e krujës i cili prej më shumë se një muaj qëndron pas hekurave për akuzën e korrupsionit.
ReportTV zbardh për herë të parë dëshminë e Aleks Shporit ku ai pranon se i ka premtuar prokurorit 30 mijë euro në këmbim të ndryshimit të akuzës për të vëllain.
Ja deshmia e Aleks Shporit
Në shtator 2015 jam takuar për herë të parë me Prokurorin në oborrin e Prokurorisë Krujë nis deklarimin e tij për hetuesit Aleks Shpori.
“Më tha të takohemi pas një jave tek Kali i Skënderbeut në Tiranë, më caktoi orën 18:30 min dhe kështu u takuam në Tiranë, i tregova historinë e vëllait tim Gjonit i cili ka deh dy vajza për të rritur.
Nga ana e tij prokurori më tha që kjo punë nuk bëhej dhe ishte e vështirë, por unë insistova për ta liruar vëllain duke i ofruar një shumë të konsiderueshme eurosh që mund tia lija vetë prokurorit ose dikujt tjetër që ai kishte besim. Në këtë moment prokurori më thotë që kur ti kesh paratë eja lëri në këtë exchange që ishte afër kafes ku u takuam dhe aty i solla pas disa ditëve”.
Haxhi Giu dhe Aleks Shpori u prangosën në 2 dhjetor të 2015 nën akuzën e korrupsioni për zyrtarët e drejtësisë, ndërsa aktualisht ata ndodhen në burg pasi dhe gjykata e apelit la në fuqi këtë masë sigurie.
2 komente në “VIDEO/ Ja si u lanë peng 30 mijë euro për prokurorin Giu”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nje sardel i vogel kushton 30 .000 €,imagjino tani sa kushtojne peshkaqenet e bardhe.
E frikshme…
Keta zuzare, kamikaze te Berishes jane bere Miljonere, me gjakun e viktimave qe kane vrare kriminelet, dhe keta i nxjerrin te
pafajshem, ne kembim te shumave te qelbura qe marrin nen dore.
Ambasadori Hollandez dha mendim te sakte qe te pushohen te gjithe pa perjashtim Prokuroret dhe Gjykatesit, keshtu mund te ndryshoje Drejtesia.