Tatimet e nisin mbarë 2016-n, rriten ndjeshëm të ardhurat në janar

Tatimet kanë arritur të sigurojnë rreth 20 miliardë lekë të ardhura neto (nga tatimet e kontributet) në muajin janar 2016, sipas të dhënave paraprake. Në raport me janarin 2015, të ardhurat janë rritur me 42%.

Kjo rritje vjen pas ecurisë së dobët të janarit 2015, për shkak të problemeve që pati në atë kohë me sistemin e ri të deklarimeve online, që sapo filloi nga funksioni, raporton Monitor.

Të ardhurat tatimore ranë me 7.3% në vlerë absolute në janar 2015 (me bazë vjetore) dhe ato nga sigurimet shoqërore me 10%.

Në janar 2016, edhe në raport me planin, të ardhurat neto të tatimeve ishin rreth 2 miliardë lekë më shumë.
Të ardhurat tatimore ishin rreth 13 miliardë lekë deri në 29 janar, rreth 63% më shumë se e njëjta periudhë e vitit të kaluar dhe rreth 2.6 miliardë lekë më shumë se plani.

Kontributet ishin rreth 7.3 miliardë lekë, me një rritje prej 21% në raport me të njëjtën periudhë të vitit të kaluar.
Rimbursimet ishin pothuajse dyfish më të larta se janari 2015, duke arritur në rreth 960 milionë lekë.
Tatimet e Tiranës dhe Drejtoria e Tatimpaguesve të Mëdhenj kanë siguruar së bashku rreth 15 miliardë lekë, duke kontribuar në mbi 70% të të ardhurave të siguruara në total.

Pas tyre renditet Durrësi, me rreth 1.1 miliardë lekë.

Në fillim të këtij viti, tatimet e orientuan aksionin kundër informalitetit kryesisht te bizneset e mëdha. Kontrolli i inventarëve dhe ai i pagave te biznesit (bazuar në analizën e riskut) ishin dy drejtimet kryesore ku u përqendruan kontrollet e tatimeve.

1. Realizimi në DPT:

a) Realizimi i mbledhjes së të ardhurave neto total :

Plani i muajit Janar 2016: 17,149 milionë lekë.

Realizimi deri 29.01.2016: 19,050 milionë lekë, 111.1 %

Teprica: 1,901 milionë lekë

b) Të ardhurat tatimore:

Plani i muajit Janar 2016: 10,508 milonë lekë

Realizimi deri 29.01.2016 13,131 milionë lekë 125.0 %

Teprica : 2,623 milionë lekë

c) Kontributet:

Plani i muajit Janar 2016 : 6,641 milionë lekë

Realizimi deri 29.01.2016: 7,302 milionë lekë 109,9 %

Teprica : 661 milionë lekë

d) Rimbursimi i kryer

Plani i muajit Janar 2016: Nuk është vendosur

Realizimi i kryer deri 29.01.2016: 957.9 milionë lekë

Krahasuar me Janar 2015:

– Realizimi i mbledhjes së të ardhurave neto total:

– Realizimi Janar 2016: 19,050 milionë lekë,

– Realizimi Janar 2015: 13,413 milionë lekë

Teprica: 5,637 milionë lekë.

Realizimi: 111,1 % kundrejt planit 2016

142,0 % kundrejt Janar 2015

– Të ardhurat tatimore:

Realizimi Janar 2016: 13,131 milionë lekë

Realizimi Janar 2015: 8,039 milionë lekë

Teprica: 5,092 milionë lekë

Realizimi: 125.0 % kundrejt planit 2016

163.3 % kundrejt Janar 2015

– Kontributet:

Realizimi Janar 2016 7,302 milionë lekë

Realizimi Janar 2015: 5,995 milionë lekë

Teprica: 1.306 milionë lekë

Realizimi: 109,9 % kundrejt planit 2016

121.8 % kundrejt Janar 2015

– Rimbursimi i kryer

Realizimi Janar 2016: 957.9 milionë lekë

Realizimi Janar 2015: 429.8 milionë lekë

Teprica: 528.1 milionë lekë

Realizimi: 222,9 % kundrejt Janar 2015

Kosova, për herë të patë partneri i dytë i Shqipërisë për eksportet

09:21 Ekonomia

Qeveria propozon termocentral qymyri në Maliq

21:07 Ekonomia

Rritja e “call center”, shpëtimtari i punësimit të të rinjve

15:45 Ekonomia

SME-të italiane kthejnë sytë nga Shqipëria dhe Kosova

17:56 Ekonomia

Çmimi i naftës godet të ardhurat, Cani: Do të kompensohemi nga lufta kundër informalitetit

13:30 Ekonomia

Grahmat e vdekjes së naftës

10:52 Ekonomia

Nafta, prodhohen 1.3 mln ton në 2015. Të ardhurat e kompanive përgjysmohen nga rënia e çmimeve

09:56 Ekonomia

Program për uljen e borxhit, deri në 2017 do të bjerë me 4.6%

13:53 Ekonomia

Shqiptarët paguajnë kostot e largimeve të paligjshme nga administrata publike

14:44 Ekonomia

Studimi sugjeron skemën me dy diga, Gjiknuri: Skavicën ta ndërtojë KESH, Katundin e Ri privati

13:09 Ekonomia