Motra e Gugut takon Doktorin me gratë protestuese

Pas protestës së grave të PD në Bulevard, një përfaqësi e grave protestuese nga ato që mbajtën fjalime, shkuan tek zyra e Doktorit. Pritja ishte me plot emocione, dhe Doktorit i shijuan shumë mbresat e pjesmarrësve në takim nga protesta.

E para e mori fjalën Motra e Gugut.

-Jam e gzume që po të takoj nga afër, dhe ta dijnë krejt bota mbarë, se nuk jemi vetëm shok në Facebook, por mbi të gjitha jemi shok idealesh. Sot kur ja kam numuru Edvin Kristaq Ramës gjithë të zezat në tribunë, ti ishe idhulli im, ai që më jepje krah dhe më frymëzoje, dhe që nuk më shterornin kurrë fjalët e flliqta që ai derr meriton.

Ne jemi zonja malcie dhe kemi kulturën tonë, por duke qenë se po flisja në emër të PD, ja thashë do fjalë që i meritonte ai derr. I thashë nuk jam as buçe, as kurvë, as pornostare. I thashë jam zonjë malcie, dhe dil në dritare të më shikosh. Nuk ja mbajti me dal në dritare. I kërkuan dhe shoqet e mia të tjera që folën, me dal në dritare t’i shikonte, por ai nuk doli.

Pastaj e mori fjalën Albana. Dhe ajo i tha të gjitha çfarë mendonte. I tha se nuk është as kurvë, as bushtër, as si Pamela. Por ai nuk guxoi të dilte në dritare të shikonte.

Pastaj folen dhe zonjat e tjera, dhe ato nuk i lanë gjë pa thënë. Se ai i meriton gjithë fjalët e pista, por ne jemi zonja malcie dhe kemi nderin tonë.

-Të përgëzoj, i tha Doktori. Mos të të vras ndërgjegjia se çfarëdo që i keni thënë, i ka pak. Keni nderu veten, familjet tuaja, PD dhe gjithë Shqipërinë.

-Kisha dhe diçka tjetër, tha motra e Gugut. Kam ndërru tre herë fjalimin, se nuk dojsha me e ba si ma kishin qit tek “Antena” sot. Më ka kap frika se brenda PD ka spiunë dhe krejt ato që do thoja unë, mi kishin qit në gazetë. Kam dëgjuar që dhe Tritan Shehu ankohet që në PD ka spiunë. Dhe kur ankohet Tritani, duket se ka konkurrencë. Ne kemi besim se ti do t’i luftosh spiunët dhe do t’i nxjerrësh nga radhët tona.

-Ke të drejtë, i tha Doktori. Fatkeqësisht kemi spiunë në radhët tona, por ju mos u ligështoni. Vazhdoni përpara.

-Kam dhe një merak Doktor. Ju më keni thënë që njerëzit e Ramës më kanë quajtur bushtër e SHQUP. Du me gjet atë video, se e di vet ça u bëj atyre.

-Nuk ka rëndësi, tha Doktori, ta gjesh doemos. Të jesh e bindur se do të kenë thënë, se unë nuk e them kot. Zëre se ta kanë thënë. Jepu atë përgjigje që e meritojnë.

-Patjetër Doktor. Desha me të këndu dhe një këngë, se e kam bë kastile për sot, pas mitingut, kur po vinim për ke ju.

-Ma kendo, i tha Doktori.

Motra e Gugut ja nisi:

Doli shkurti, hyri marsi

Doktori Edit ja rrasi

Nxorri gratë në Bulevard

Qitën vezë e qitën baltë.

Qitën dhe do fjalë të rënda.

Dhe e mbyllën Edin brenda

S’jemi mostra, s’jemi bushtra

Jemi të bukra si flutra

Motra e Gugut letër Pamelës: Si t’i lagni letrat para protestës

18:38 Antena

Nga letërkëmbimi i Doktorit me motrën e Gugut

17:18 Antena

Zbulohet motivi i protestës së grave të PD para Kryeministrisë

18:44 Antena

Doktori reflekton pas vezëve në Kuvend

19:34 Antena

Debatet në PD për grupin e vezëve

19:57 Antena

Doktori prezanton masat preventive ndaj reformës në drejtësi

20:08 Antena

Enno me 2 n, përgatit fjalimin para Gjykatës

19:47 Antena

Protestuesi që prishi mitingun e PD u gënjye nga kënga labçe

18:44 Antena

Ngjarjet më të rënda të ditës së djelë tek Liqeni

21:06 Antena

"Ujësjellësi që duam dhe faturat që duhen”

21:01 Antena