Sqarim i Doktorit për parajsat fiskale dhe rastin e Panamasë

Të dashur demokatë dhe demokate!

Të nderuar miq!

Desha t’iu njoftoja para disa ditësh, por dhe tani nuk është vonë, se po përgatitet një sulm mediatik ndaj demokratëve të mbarë Shqipërisë. Disa gazetarë shpifës nga mbarë bota, të paguar nga shërbime të ndryshme, po gërmojnë në ca letra pa vlerë, të paçertifikuara nga asnjë gjykatë shqiptare, se gjoja unë u kam dhënë koncesione me firmën time, disa kompanive që vijnë nga parajsat fiskale në Panama, si dhe vende të tjera si ishujt Hawai, ishujt Kayman, Qipro etj.

E vërteta është si drita e diellit, dhe nuk mund ta errësojë askush.

Unë nuk kam firmos kurrë për asnjë njeri aonim në jetën time si kryeministër. Në të gjitha rastet, unë e kam thirrur njeriun në zyrë, e kam verifikue kush është, e kam çu tek studio ligjore e vajzës sime, që të isha garant që bëhej fjalë për të njëjtin njeri që kish pagu atje, dhe pastaj e kam firmos çdo koncesion.

Askush nga ata që janë regjistruar në parajsat fiskale, nuk ka qenë anonim për mue. Edhe kur Fazlliçi donte të regjistrohej në Qipro, i thashë jepi një herë autorizim studios vajzës time të të kontrollojë gjithë llogaritë, pastaj ik regjistrohu ku të duash. Ashtu bëri me korrektesë, i dha të drejtë studios për çdo veprim, pastaj e regjistroi. Kështu kanë ba dhe të tjerët në Ishujt Kayman, ishujt Hawai dhe këta të Panamasë.

Por, siç e theksoi me të drejtë futbollisti i shquar Lionel Mesi, unë nuk mbaj përgjegjësi për firmat që hedh, pasi ato janë bërë me VKM. Përgjegjësinë e kanë ata poshtë që nuk i kanë pyetur ku janë regjistrue.

Si do ta pyesja unë Il Mulletin ku je regjistrue ti? Unë atë e kam pas pronar të PD, kemi ba tregëtinë e naftës, i kemi shit pasuritë e PD etj. Si të rri unë tani pas 20 vitesh t’i them, po ti ku je regjistrue? Kjo është punë teknike, u takon atyre poshtë. E rëndësishme është që unë i njoh të gjithë ata që u kam firmos letrat. Se ku i kanë regjistrue letrat ata, punë e tyre.

Ky sulm që bëhet ndaj meje, se gjoja unë kam përgjegjësi përse kam firmosur, është një sulm për të njollosur opozitën një vit para ndryshimit të madh, para revolucionit të madh demokratik, që do t’i fshihë gjithë këta shpifës nga faqja e dheut.

Gjatë gjithë kësaj kohe jini vigjilentë, mos lexoni çfarë shpifin mediat, por tek e vërteta e madhe e komplotit kundër meje. Unë ju siguroj se nuk kam bërë asgjë në fshehtësi dhe për ndonjë që nuk e kam njohur. E përsëris se i njoh të gjithë ata që ua kam firmos letrat, ndaj unë nuk mund të quhem fajtor si të tjerët. Kush përpiqet të shtrembërojë këtë të vërtetë, do përgjigjet para historisë.

Përpara!

Letër e pleqësisë së Surrelit, kundër Kokëdhimës

19:39 Antena

Topali i shkrun Bashës: Zgjidh me kënd je me Doktorin apo të vdekmit!

19:02 Antena

Strazua, i paqartë pse Luli e quajti fotoshop pistoletën

20:06 Antena

Lefteri i del zot Strazos me një letër të hapur

19:29 Antena

Përse nuk mu dhimbs dorëzimi i pistoletës?

18:45 Antena

Disa ide për të shpëtuar Strazon në mbledhjen e PD

19:46 Antena

Doktori jep kushtrimin: Kusht për reformën, parku i Liqenit dhe liria e Strazos

18:12 Antena

Incidenti i Arditit si lypës me Arjan Çanin

19:33 Antena

Karmina bën publike drekën me vjehrrën

19:27 Antena

Tri ngjarje pikante: Krushku i Doktorit, Gon Duka dhe Fate Velaj

20:13 Antena