Doktori jep kushtrimin: Kusht për reformën, parku i Liqenit dhe liria e Strazos

Pas problemit të krijuar në parkun e Liqenit, ku deputeti Strazimiri u krekos me pistoletë në brez, duke u hedhur si shqiponjë mbi policët bashkiakë, situata u komplikua. Deputeti rezultoi që ka pistoletë pa leje, dhe që rrezikon mandatin dhe burgun. Ndërkohë, një tjetër ish- deputet i PD, Çim Babasi, u ndalua për dhunë ndaj policëve.

Pas kësaj, Doktori vendosi t’i bëjë një letër të hapur opinionit publik për fillimin e Pranverës së Revolucionit Demokratik:

“Të dashur shqiptarë, demokratë dhe demokrate.

Sot është dita e Fillimit të Revolucionit Demokratik të Vonuar, që kisha paralajmërue muaj më parë.

Sot në kodrat e Liqenit, heronjtë e vërtetë të opozitës, Çim Babasi dhe Gent Strazimiri, shkundën nga themelet qeverinë e krimit dhe u bënë dy dëshmorët e parë të saj.

Unë e di që ata nuk do ta lirojnë Çim Babasin, se ai është një hero i vërtetë. Biles Lulzim Basha ka gabue që ka shku me e lirue. Unë e di që ata do ta arrestojnë Gent Strazimirin. Po po, e di shumë mirë. Ata do t’i thonë e ke armën pa leje dhe do ta arrestojnë. Do t’i heqin mandatin dhe do ta denigrojnë, se ata duan të shkatërrojnë opozitën.

Por Babasi dhe Strazimiri janë që sot në listën e heronjve të Revolucionit të Vonuar Demokratik të Shqipërisë. Ata mund t’i fusin në burg, mund t’i persekutojnë, mund t’i mbajnë të izoluar, por fama dhe lavdia e tyre në zemrat e demokratëve, do të rritet shumëfish.

Ata mendojnë se do të çarmatosin Strazimirin, duke i marrë një pistoletë pa leje. Gaboheni rëndë zotërinj! Gent Strazimiri është vetë një fuçi baruti, që kur të shpërthejë do hedhë në erë gjithë ndërtesën e atij parlamenti kriminal. Dhe ka për ta bërë me siguri në ditën e parë të lirisë së tij. Ai nuk mposhtet kurrë.

Ju mendoni se Çim Babasi do mposhtet nga pushteti juaj? E keni provu zotërinj ta dënonit atë duke e akuzuar se gjoja bashkëpunonte me djalin tim në Gërdec, por nuk keni mundur. As tani nuk do mundeni. Ai nuk do të dorëzohet. Ju mendoni se e keni lënë PD pa kryetar në njësinë 5? Gaboheni rëndë. Kastriot Islami është zëvëndësuesi i denjë i tij.

Demokratë dhe demokrate!

Me këtë akt të rëndë që ka ndërmarrë regjimi në pushtet, unë po bëj publike kushtin përfundimtar të Partisë Demokratike për reformën në drejtësi. Nuk ka reformë në drejtësi pa u ndaluar punimet tek parku ku ndërtohet këndi i lojërave për fëmijë. Nuk ka reformë në drejtësi pa lirinë e Babasit dhe Strazimirit. “Mos prekni Babasin”! “Mos prekni Strazimirin”! Kjo është deviza jonë tani e tutje. Nuk duam t’ia dimë më as për Rakip Sulin, as për Vali Leskaj. Tani kemi kauzën tonë.

Të dashur demokratë dhe demorkate! Ata që bënë 21 Janarin, ata që mbanin në duar çadra pistoletë, mendojnë se dhe Strazimiri është si ata dhe u duket çadra e Strazimirit si pistoletë. Po jo zotërinj! Ju mbani çadra pistoletë, kurse pistoleta jonë e vetma, është çadra e revolucionit të vonuar demokratik, që do ngrejmë tek Liqeni. Përpara”.

Incidenti i Arditit si lypës me Arjan Çanin

19:33 Antena

Karmina bën publike drekën me vjehrrën

19:27 Antena

Tri ngjarje pikante: Krushku i Doktorit, Gon Duka dhe Fate Velaj

20:13 Antena

Luli informon deputetët për vizitën në SHBA

21:03 Antena

Partitë raportojnë “kush janë personat e paprekshëm”, që nuk janë dënuar

21:07 Antena

Reagimet e forta nga Tirana për masakrën në Bruksel

19:43 Antena

Deputeti 3K letër të hapur Ruçit: Ke inat se s’ke takuar shokun Enver

21:10 Antena

Kunati shpjegon si do të zgjedhë kandidatët për deputetë, Instituti Republikan

19:43 Antena

Kongresmenia Mona Hajdarmbeta priti Lulzim Bashën në New York

20:31 Antena

Kongresmeni Mediu përcolli në Aeroportin e Dallasit, Lulzim Bashën

18:58 Antena