Kongresmeni Mediu përcolli në Aeroportin e Dallasit, Lulzim Bashën

Kryetari i Partisë Demokratike Lulzim Basha, përfundoi vizitën e tij tri ditore në Uashington. Ai u përcoll në Aeroportin e Dallasit,  nga kongresmeni Fatmir Mediu, i cili i uroi udhë të mbarë dhe suksese Bashës dhe delegacionit që e shoqëronte.

Gjatë vizitës tri ditore në SHBA, Lulzim Basha u prit dhe shoqërua nga kongresmeni Mediu në disa takime të rëndësishme. Zoti Mediu e shoqëroi fillimisht në një takim me kongresmenin Engëll, i cili për arsye shëndetësore nuk arriti ta mbajë mend me kë u takua. Të nesërmen zoti Mediu e shoqëroi zotin Basha në një takim shumë të rëndësishëm tek Shoqata e Atlantikut në Uashington. Pas takimit, Mediu e shoqëroi Bashën tek një kodër ku rrijnë disa miq të tij priftërinj të “Mëngjesit të Lutjeve”, të cilët i dhanë fjalën se do ta takojnë dhe me një kongresmen tjetër, që beson tek kisha e tyre.

Gjatë vizitës tek “Kodra e Priftërinjve”, Basha dhe delegacioni që e shoqëronte, u njohën me mjediset e kishës dhe vendin ku Mediu është pagëzuar duke hequr nga mbiemri i tij shtesën “hoxha”, pra nga Medihoxha, në Mediu. Pas kësaj, Zoti ja pranoi mëkatet dhe e pastroi atë. Me këtë rast, kongresmeni Mediu ftoi dhe delegacionin e Bashës të bënte një lutje të kapur sup më sup, me kokë të bashkuara në formën e një rrethi. Lutjen e lexoi kongresmeni Mediu, i cili tha” Zoti i madh që je lart në qiell. Largoji Shqipërisë fatin e keq që e ka zaptuar duke pasur në pushtet kriminelë, njerëz që vrasin fëmijë të pafajshëm për të fituar ca para, dhe që vjedhin tendera publik deri në 220 milion euro. Largoje krimin nga Shqipëria dhe na sill ne në pushtet, t’i ndriçojmë të ardhmen atij vendi.

Zoti ynë që je në qiell, prano lutjet tona, që ai vend të ndryshojë e të përparojë, duke na pranuar ne si udhëheqës të fatit të tij. Amin”

Pasi përfunduan lutjen, prifti kryesor pa që Strazua nuk e kishte hequr kapelen republike dhe kërkoi të përsëritej lutja, pasi mendimet e tij ishin penguar të shkonin lart në qiell.

Kur u përsërit për herë të dytë, kongresmeni Mediu nuk e mbante mend korrekt gjithë tekstin, por përsëriti vetëm pjesën ku thuhej të largojë nga pushteti ata që  kanë vrarë njerëz dhe kanë vjedhur lekë tenderash. Kjo i pëlqeu pa masë Bashës.

Ditën e fundit të vizitës, kongresmeni Mediu e la të lirë zotin Basha të bënte disa takime personale, siç ishte ai me zonjën Nuland, asistente e ndihmës zëvendës- sekeretares të Shtetit. Kongresmeni Mediu pastaj e shetiti zotin Basha në Uashington dhe e takoi me një shokun e vet nga Himara, i cili ka nja dy kongresmenë të lobit grek miq në Uashington. Basha u premtoi atyre se kur të vijë në pushtet, do t’ia marrë tokën Zamirit në Palasë dhe do t’ua kthejë atyre. Ata u gëzuan dhe i premtuan se nëse e realizon këtë, dhe ata do bisedojnë me zotin Dule, që ndoshta të jetë në koalicion me ta në zgjedhjet e ardhshme.

Në mbrëmje kongresmeni Mediu e shoqëroi zotin Basha deri në ambasadën e Shqipërisë në Uashington dhe e prezantoi aty me ambasadoren Luli dhe ambasadorin Lu. Duke hyrë mes të treve, Mediu filloi prezantimin në fillim, duke thënë:

– Ky është zoti Lu, kjo është zonja Luli, ky është zoti Luli. Të pranishmit kthenin kokën, sa nga zonja Luli, tek zoti Luli, për ta kuptuar për kë zonjë bëhej fjalë, dhe kush ishte kush.

Sot në mbrëmje, kongresmeni Mediu e shoqëroi deri në aeroport zotin Basha dhe delegacionin që e shoqëronte dhe u rikthye në Uashington. Duke hipur në avion, kongresmeni Mediu, ju lut t’i merrte në emër të tij një valixhe me rroba, se kishte bërë shumë shopping dhe kushtonte shumë ngarkesa mbi masën e lejuar. Zoti Basha  e pranoi me kënaqësi t’ia bëjë këtë shërbim, dhe e vendosi valixhen në emër të Strazos, ngaqë atë nuk e prek më njeri me dorë. Vizita përfundoi me sukses.

Luli i shpjegon Kunatit, takimet në Uashington

19:39 Antena

Doktori shpjegon para Grupit suksesin e Lulit në SHBA

20:34 Antena

Zeni kundërgjigje ndaj akuzave për Gërdecin: Unë dola me humbje!

20:12 Antena

Shpjegimi i Kunatit për praninë e Mediut në delegacionin e Lulit

18:22 Antena

Kunati publikon ekspertizën për videon e Klosit

18:29 Antena

Reagimet ndaj plakës që gënjeu tatimorët

19:12 Antena

Sandri i shpjegon Ramës, planin e punës në vazhdim

19:31 Antena

Nga këshillat e Lulit për opozitën në Kosovë

21:02 Antena

Në kërkim të deputetes që ka bërë seks me striptistin

18:27 Antena

Urimet më pikante për 8 Marsin

20:02 Antena