Doktori përgëzon Jarin. Ecja me këmbët e tua ka mahnit gjithë shqiptarët

Pas shfaqjes së sotme të Jarit në park, Doktori i dërgoi një mesazh urimi, ku e përgëzonte sidomos për faktin që ai arriti të ecte vet, nga makina tek protestuesit, dhe në disa raste ngriti dhe gishtin tregues kundër Erit.

I nderuar Bujar

Shqiptarët panë sot një shfaqje të jashtëzakonshme të burrërisë dhe fisnikërisë suaj. Për të gjithë ata që dyshonin se ti nuk do përmirësoheshe dhe do të kishe probleme me shëndetin, ti sot dhe një përgjigje të shkëlqyer. Zbritja jote nga makina, kapja pak pas derës, pastaj ngritja në këmbë, siguria që tregove në hedhjen e hapit të parë dhe pastaj vazhdimi i rrugës, i ka lënë pa frymë kundërshtarët e tu politikë.

Sot ti tregove se mund të ecësh me këmbët e tua dhe t’ia dalësh në betejën e madhe që të ka caktuar historia, kundër Këndit të vogël të lojrave në Parkun e Madh të Liqenit.

I nderuar Bujar!

Siç kemi folur dhe më parë bashkë, shkuarja jote atje është një shembull frymëzimi për gjithë demokratët, të cilët mezi po presin ditën të caktohet protesta e radhës tek Liqeni. Ata që sajuan pistoletën e Strazimirit, sot morën përgjigjen e merituar nga topi jot.

Tani çdo demokrat e demokrate, çdo deputet dhe deputete, do të donte të ishte në vendin tënd, aty tek Liqeni, për të mbrojtur kauzën tonë të madhe.

I nderuar Bujar!

E di që ka shumë njerëz që duan të të nënçmojnë në punën tënde si president, dhe sidomos në raportet e tua me drejtësinë në këtë rast, por ti ke bërë mirë që i ke dalë përballë Erion Velisë në këtë kauzë. Ti nuk k enevojë të përdorësh postin tënd zyrtar kundër tij, se po të jetë nevoja e përdor vetë, por më e rëndësishme se ajo, është që shqiptarët të shikojnë presidentin e tyre në krye të detyrës dhe në ballë të frontit të luftës.

Aty ku ka shkelur këmba jote sot, nesër do jetë vija e frontit, aty ku kanë kaluar gomat e makinës tënde sot, nesër do të jenë autoblindat e luftës, aty ku ka prekur bastuni yt sot, nesër do jenë shkopinjtë e protestës, aty është ndalur vështrimi yt i trishtuar sot, nesër do zbrazet zemërimi popullor….Me veprën tënde ti i dhe zjarrin që i duhej kësaj proteste dhe bashkë me Strazimirin do hyni në histori si koburet e vërteta të cilave u tremben falangat në pushtet.

Jari, plan me Doktorin për Këndin e Lojërave tek Parku i Liqenit

19:50 Antena

Dhjetë pistat e Doktorit për rrëzimin e helikopterit dhe shpjegimi

20:06 Antena

Alibeaj ndryshon mbiemrin në Alibia. Njoftohen ndryshimet e orarit ne shkolla

19:42 Antena

Fjalimi i Ramës për ditëlindjen e Profetit Muhamed trazon besimtarët

20:07 Antena

Programi i Lulit për punësim, xhelozon Nard Ndokën

18:50 Antena

Luli bën gati listën “Pro” dhe “Kundra”  Il Mulletit në PD

19:37 Antena

Pollo reagon ndaj Doktorit: Mos u tremb, Ilin nuk e ke baxhanak!

20:48 Antena

Kunati paralajmëron sulme të “armiqve të jashtëm” ndaj Lulit për fshehje parash

19:29 Antena

Sqarim i Doktorit për parajsat fiskale dhe rastin e Panamasë

19:54 Antena

Letër e pleqësisë së Surrelit, kundër Kokëdhimës

19:39 Antena