Ja arsyet përse Imami dorëhiqet nga Komisioni i Reformës

Pas propozimit se Ben Imami do të zëvendësonte Ed Ha Lim në Komisionin e Reformës për drejtësi, ky i fundit u shfaq publikisht duke refuzar postin. Më pas në një letër sqaruese për Doktorin ai shkruan.

“I dashur Doktor!

U detyrova të refuzoj detyrën e anëtarit në Komisionin e Reformës për disa arsye që ju më mirëkuptoni.

Duke qenë se unë kam qenë një herë në vitin 1998 bashkëkryetar i Komisionit për Kushtetutën e Shqipërisë, dhe ju atëhere e kundërshtonit Kushtetutën, nuk më duket e drejtë, pasi shumë demokratë do kujtohen për atë kohë dhe do mendojnë se tradhtova përsëri. Por nëse ju do ta kërkonit me sinqeritet që unë të prish me duart e mija atë që kam bërë kundër teje më 1998, do ta bëja me qejf. Por ajo që kam vërejtur, është se ti tani nuk je kundër asaj që kam bërë atëhere dhe nuk dua të investohem në këtë pikë.

Një arsye tjetër që më detyron të qëndroj larg Komisionit, është se atë po e bëjnë dy ambasadorë që nuk marrin vesh as nga ligjet, as nga lufta. Në këtë vend vetëm unë dhe ti kemi bërë dhe luftë, dhe ligje. Këta të tjerët, përfshi dhe ambasadorët, as marrin vesh nga kjo punë. Kështu që nuk mund të bëhem ortak në këtë proces me njerëz që nuk marrin vesh nga shteti.

Por, kryearsyeja përse po qëndroj larg këtij Komisioni, është më e thjeshtë. Duke qenë i qartë që reformë nuk do të ketë, dhe kjo falë vizionit tuaj, unë mendoj që më mirë bëj punën e njeriut antireformë, se sa atë të reformistit. Kështu që jam duke përgatitur një draft ku të parashtroj gjithë kushtet që duhet t’i vëmë shumicës për të miratuar reformën në drejtësi. Kushtet do të jenë të tilla që jo vetëm të mos realizohen, por as të lexohen me qetësi prej tyre. Kjo do t’i bëjë ata të tërbohen dhe të mos pranojnë të ulemi në bisedime.

Duke e mbyllur këtë letër, do të lutesha të mirëkuptoje qëndrimin tim, dhe në vend tim të dërgonit zonjën Tabaku. Kështu do të keni mundësi që çdo gjë që bëhet në Komision t’i kalojë Fevzos në kohë rekord, ai ta thotë në TV dhe kështu gjithçka mund të shkatërrohet pa filluar akoma. Mendoj se kjo është më efikase se lufta ime.

Duke shpresuar në mirëkuptimin tuaj, jam në dispozicionin tuaj”.

Teksti i dorëheqjes së Ed Ha Lim: Më janë bërë dy ambasadorët si “Boni dhe Klajd”

20:43 Antena

Nga përgatitjet për takimin me prindër, me dy ambasadorët

19:47 Antena

Luli dhe Ristani përkujtojnë 8 Majin, si ditën e zgjedhjeve të lira

19:33 Antena

Ja përse duhet ndëshkuar Ed Halimi për nenin 25

19:59 Antena

“Qytetari dixhital” raporton për prishjen e dhomës muze të Doktorit

19:32 Antena

Grigja ngre akuza për korrupsion ndaj një biznesmeni ndërtimi

19:14 Antena

Kunati shpjegon përse u anulua takimi me ambasadorët të premten

20:01 Antena

Shpjegimi i Kunatit për ambasadorin Lu, rreth shtyrjes së votës pro reformës

20:53 Antena

Nga bashkëbisedimi i ambasadorit Lu, me Lulin

19:23 Antena

Kunati i Lulit numëron deputetët që mund të ikin me Doktorin në mal

21:21 Antena