Histori e trazuar dashurie në Policinë e Krujës. Përndjek kolegen pas ndarjes, arrestohet oficeri

Një oficer policie i komisariatit Nr. 1 në Tiranë është arrestuar nga policia për shkak se ka përndjekur ish-të dashurën.

Prokuroria e Krujës bëri me dije se me kërkesë të saj, Gjykata ka caktuar masën e sigurisë së “arrest me burg” për shtetasin Lumian Meta, me detyrë oficer i patrullës policore. Ai akuzohet se ka përndjekur shtetasen me iniciale S.B, gjithashtu efektive policie në Komisariatin e policisë së Krujës.

Vendimi i Gjykatës është zbatuar nga ana e oficerëve të Shërbimit të Çështjeve të Brendshme.

Prokuroria nisi hetimet gjatë ditës së djeshme, ku ka rezultuar se i dyshuari nuk ka pranuar faktin e ndërprerjes së marrëdhënies intime me të dëmtuarën.

“Për këtë arsye, ai e ka përndjekur dhe ka ushtruar dhunë fizike ndaj saj në disa raste të përsëritura”, sqaron prokuroria.

“Nga veprimet hetimore ka rezultuar se i dyshuari dhe e dëmtuara kanë nisur lidhje dashurore në vitin 2014, gjatë studimeve në Akademinë e Policisë. Kjo lidhje ka vijuar deri në janar 2016. Në këtë kohë, e dëmtuara S.B. ka refuzuar të vijojë lidhjen intime, për shkak se, sipas saj, i dyshuari ushtronte dhunë sistematike.

Prej janarit 2016 e në vijim, i dyshuari e ka përndjekur, dhunuar dhe kërcënuar në mënyrë sistematike, me qëllim që lidhja e tyre të rifillonte. E dëmtuara nuk ka pranuar në asnjë rast dhe kjo sjellje e ka shndërruar në objekt dhune nga ish- i dashuri. Në disa raste, dhuna psikologjike ndaj të dëmtuarës ka ndodhur edhe në praninë e kolegëve të tjerë të policisë”, sqaron Prokuroria e Krujës.

Në këto kushte, Prokuroria e Krujës ka krijuar dyshime të arsyeshme se shtetasi Lumian Meta ka konsumuar elementët e veprës penale “Përndjekja”. Për këtë arsye, nga ana e Prokurorisë së Krujës, u kërkua caktimin e masës së sigurisë “arrest në burg”, e cila u pranua nga Gjykata e Krujës dhe ai u arrestua mesditën e së mërkurës.

Djegia e autobusit në Krujë, ndërrojnë jetë dy nga të plagosurat

15:16 Kronika

Shqiptarët i vjedhin gomonen lordit anglez në Greqi. Gjendet në Çukë të Sarandës

12:26 Kronika

Gjyqtari Arian Aliaj mori apartament për vetëm… 1 milion lekë

10:11 Kronika

U gjet e pajetë në lumin Po, shqiptarja nënë e dy fëmijëve dyshohet se është vrarë

09:17 Kronika

Policia nis hetimet për pasurinë e gjyqtarit Arjan Aliaj (dhe fotot e një vile luksoze)

20:06 Kronika

Ministrja Kodheli në Ministerialin e Mbrojtjes në Bruksel: Angazhim me trupa në kufijtë lindorë të Aleancës

18:52 Kronika

Ndryshime në Polici/ Lleshaj emërohet në krye të Drejtorisë së Beratit

19:17 Kronika

Policia shpërthen një valixhe afër stadiumit të Marsejës, ku do luajë Shqipëria

18:31 Kronika

VIDEO/ Banda e “policëve” shqiptarë kryen 82 grabitje me metoda të veçanta

16:18 Kronika

Kush kërkon azil pa motiv në Belgjikë, nuk hyn 8 vjet në Shengen

13:50 Kronika