Te fundit
Nga dialogu i Jarit me Bill Klintonin në Nju Jork
20 Shtator 2016, 20:59Antena
TEMA
Pas letrës që Jari i dërgoi kandidates për presidente Hillari Klinton, Jari pati rastin të takohet dhe me ish- presidentin Klinton. Sapo mësoi kush ishte, Klintoni tregoi shumë interes.
-Sa kohë ke që je sëmurë, i tha?
-Kam ca kohë, i tha Jari, por tani jam më mirë.
-Ah, gruas sime i qëlloi ters, tha Klintoi, u sëmur në fushatë dhe po rrezikon shumë!
-Unë kur u zgjodha isha shumë i sëmurë, i tha Jari, por mora shembullin e presidentit Franklin Roosvelt, që ishte në karrocë dhe u thashë, “amerikanët kanë votuar një president në karrocë, ju bezdiseni nga paterica ime”.
-Po, por presidenti Franklin Roosvelt bëri luftë, i tha Klintoni, ishte ndryshe. Ju përse jeni shquar në Shqipëri?
-Dhe unë kam qenë ushtarak, dhe në vitin 1997 deshëm të bëjmë një betejë kundër rebelëve të kuq, por na mundën dhe u shpërnda ushtria, tha Jari.
-Ah, tha Klinton, më kujtohet. Atëhere që ishte Sali Berisha. E mbaj mend. Na hapi shumë telashe, na u desh të çonim ushtri aty. Ku është ai idioti tani?
Jari u zu ngushtë.
-Aty është, tha me gjysëm zëri dhe ndërroi bisedë.
-Kohë e keqe sot, i tha. Po bie shi.
-Ah po, bie përditë i tha Klinton. Në Shqipëri si është koha, a bie shi?
-Bie, i tha Jari….
Pastaj u vendos përsëri një heshtje.
-Jam shumë i kënaqur me këtë paktin ruso -amerikan në Siri, i tha Jari. Është gjë shumë e mirë.
-Me sa di unë është prishur, i tha Klintoni, ka një javë që nuk funksionon.
-Ashtu, u mendua pak Jari dhe nuk po dinte ku ta çonte bisedën më tej.
-Bëjmë një selfie bashkë, i tha?
-Po mire, i tha Klintoni, dhe afroi kokën nga Jari. Por në atë moment, Jari nuk lëvizte dot dorën që të bënte seflie.
-A mund ta shkrepni ju, i tha, se e kam dorën ters.
-Patjetër, i tha Klinton. Më ke hequr gjithë merakun për fushatën e gruas. Fakti që ty të kanë bërë president me gjithë këto probleme më bën shumë optimist.
3 komente në “Nga dialogu i Jarit me Bill Klintonin në Nju Jork”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
undefined
undefined
jari perfitoi nga gruaja qe ka kohe qe ngjit trekendeshin…