Vërejtjet shqiptare për Koncertin e Vjenës në Tiranë

Koncerti i Ansamblit të Filarmonisë së Vjenës në Tiranë, përveç interesit të madh dhe duartrokitjeve në sallë dhe jashtë saj, ka marrë dhe vlerësime negative nga kritikët e tij, të cilët nuk iu ndanë qysh kur u lajmërua si koncert.

Ja disa prej këtyre kritikave që dëshmojnë shpirtin aristokrat të shqiptarëve.

– Ansambli nuk kishte pse të luante pjesën “Danubi Blu”, përderisa ne kemi repertorin e kompozitorëve shqiptarë të cilët u këndojnë maleve, lumenjve dhe fushave tona. Janë të njohura pjesët “Male o ju male”, “Fantazi shqiptare” apo fantazia “Mezhgorani” e Kriso Konos që mediton për Vjosën e kaltër në grykë dhe që është më  e bukur se Danubi Blu.

Po ashtu mund të shikohej mundësia që në vend të Shtrausit të bëhej kujdes të merreshin kompozitorë si Tish Daija ose Çesk Zadeja. Derisa na kemi artistë shqiptarë nuk kemi pse marrim të huaj.

– Orkestra kishte 36 violina dhe njëra nga violinat e mbylli nja dy sekonda më parë një prej pjesëve që luante. Kjo është fyese dhe ka vrarë veshin e shumë spektarëve jashtë salle, që e ndiqnin përmes Tv Klanit, pasi në sallë nuk u kuptua se u mbyt nga duartrokitjet.

-Ishte shumë problem fakti që 36 instrumentistët ishin të huaj dhe dirigjenti ishte kosovar. Po të llogarisësh çmimin 160 mijë euro për koncertin dhe t’ia jepnim këto Martin Lekës, atij i dilnin për të dhënë koncert çdo të shtunë, pasi ato mund t’i përdorte vetëm për nga një dopjo raki para koncertit, që e kanë të nevojshme ata instrumentistët e RTVSH.

-Duke mos ikur nga çmimi, ka dhe një këndvështrim tjetër. Si mund të pretendosh që është koncert klasi dhe të jetë 160 mijë euro kur Doktori vetëm për një koncert me Çiljetën më 2010 ka paguar 1 milion dollarë. Dhe të gjitha i ka paguar nga lekët e tre ministrive. Këtu o i bie që Çiljeta është ylli i gjithë artistëve përfshi dhe ata të Vjenës, ose këta tipat me violinë nuk vlejnë. Kaq lekë sa bëri kjo orkestër me një koncert, tek ne hidhen në një dasëm.

-Filarmonia mund të fuste në repertorin e saj dhe ushtrime të forta tenori siç është sprova të këndosh “O ju malet e Skraparit” e Demir Zykës ose “Të ka Lali moj topsheqere”. Nuk mund të mjaftohet vetëm me kabanë përmetare të Laver Bariut.

-Fakti që dirigjenti ka shpërndarë gota me raki ka lidhje me mbiemrin e  tij, pasi sipas të dhënave e ka Dollia, ngaqë fisi i tij ngrinte vazhdimisht dolli nëpër dasma. Për të qenë korrektë, kur shpërndan raki duhet dhe meze dhe në këtë rast duhej mish bidoni nga Tepelena.

-Veshjet e të ftuarëve linin për të dëshiruar, pasi nuk kanë respektuar kodin e veshjes për koncert. Kjo ka bërë që Fevzua të kishte refuzuar futjen në sallë, megjithë lutjet e Dolit, pasi sipas tij në koncert kishte njerëz me kravata false. Kaq mjafton për të kuptuar çfarë koncerti ishte.

Luli i shkruan Doktorit: Sa shpejt ikën katër vjet me ty

19:29 Antena

Urimet e politikanëve shqiptarë për Vitin e Ri 2017

17:46 Antena

"Antena-t" më të mira të vitit

19:21 Antena

PD reagon ndaj shkarkimit të Roshit: Pabesi e Ramës, kërkon zgjedhje në Kavajë

19:40 Antena

Kali i Karminës, shoku i Zanit dhe falenderimi i Fevzos për Gorbaçovin

17:25 Antena

Kaçi i Bardhë shpjegon: PD e ka të sigurtë fitoren, por nuk ka të sigurtë rezultatin

18:32 Antena

Doktori shpjegon momentet e vështira kur vetëvranë Mehmetin!

21:17 Antena

Zbulohen arsyet pse katolikët nuk pranuan politikanë në Kishë

19:30 Antena

Flamurit ia prish Krishtlindjet Nard Ndoka

20:49 Antena

Jari shpjegon suksesin e takimit me Erdoganin

20:19 Antena