Te fundit
Largimi i Ranierit, zbulohen emrat e 4 “tradhtarëve”
25 Shkurt 2017, 14:29Sport
TEMA
Largimi i Claudio Ranierit ka ndezur një debat të ashpër në Angli dhe jo vetëm. Bota e futbollit është rreshtuar menjëherë në krah të trajnerit kampion që bëri historinë me Leicester City, ndërsa mediat publikojnë detajet e para të asaj çfarë ndodhi në klubin e “Dhelprave” ku presidenti preferoi të priste kokën e trajnerit italian. Heri i sezonit të shkuar, sulmuesi Jamie Vardy është mes njerëzve të akuzuar për “tradhëtinë” ndaj trajnerit të tij. Sipas “The Times”, ishte pikërisht Vardy që shtyu drejtuesit e klubit të merrnin vendimin. Gjithsesi, pesha e fajit nuk rëndon vetëm te sulmuesi anglez sepse në sipërfaqe dalin edhe tre emra të tjerë të rëndësishëm dhe me shumë influencë në dhomat e zhveshjes. Bëhet fjalë për portierin danez KasperSchmeichel dhe Wes Morgan e Marc Albrighton.
4 senatorët kanë takuar presidentin Vichai ku i kërkuan shkarkimin e trajnerit. Kjo konfirmohet edhe nga rrjetet sociale ku 4 lojtarët e sipërpërmendur publikuan në Tëitter letra të hapura ku falënderuan lamtumirën e Ranierit, ndërsa pjesa tjetër e skuadrës e hutuar nga largimi i tij nuk e bëri një gjë të tillë. Mediat e tjhera shkojnë edhe më tej duke e drejtuar gishtin e akuzës ndaj pronarëve që mesa duket nuk janë më pak bashkëpunëtorë në këtë që tabloidet e cilësojnë “krim”. Gjithsesi, Ranieri ka në krahun e tij mbështetjen e botës së futbollit pasi në Angli pjesa më e madhe e trajnerëve dhe lojtarëve janë pozicionuar në favr të tij, duke nënvizuar njëzëri se shkarkimi i njeriut që bëri historinë në klubin e vogël të Leicesterit, është një padrejtësi e madhe.
1 komente në “Largimi i Ranierit, zbulohen emrat e 4 “tradhtarëve””
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Normalisht, Ranieri nuk duhej te vazhdonte te drejtonte Leicesterin pasi e nxori kampione.Nese largohej ai do te mbahej mend perjetesisht. Por i ra me shkelm asaj qe beri. Dhe kjo duket per ndonje grusht para qe do te fitonte nga kontrata per te vazhduar drejtimin. Por ja se c’ndodhi, iken tashme i turperuar. Nuk thone kot, kur kerkon shume i humbet te gjitha. Keshtu ka per te ndodhur edhe me De Biazin me drejtimin e kombetares tone.