Te fundit
Ditari i Megi Pjeshkës në çadër: Nuk pranojmë ikjen e Saimirit!
11 Mars 2017, 18:36Antena
TEMA
Dita sot filloi me Fatmir Mediun.
Ai na prezantoi përpjekjet që kishte bërë në SHBA dhe Europë për punët e çadrës.
Na solli dhe një djalë çek.
Ai tha se ishte kryetar i të rinjve demokratë europianë.
Filloi të fliste dhe theksoi se PD nën udhëheqjen e Mediut do fitojë zgjedhjet.
Ju afrua dikush dhe i tha se kryetar i PD, është Luli.
Çeku e mblodhi veten, dhe theksoi se presidenti Mediu e kishte siguruar se nuk do të tërhiqeshin nga zgjedhjet e lira e të ndershme.
Pas kësaj ndërhyri vetë Mediu.
Diçka i tha në vesh dhe ai tundi kokën.
-Jam shumë i gëzuar, tha ai, që në këtë çadër janë bërë bashkë demokratë dhe republikanë për zgjedhje të lira. Është e papërfytyrueshme që kjo të ndodhë në SHBA përshembull, që demokratët e majtë dhe republikanët e djathtë të bëhen bashkë.
Ndërhyri prapë Mediu dhe i tha diçka tek veshi.
Aty çeku u dorëzua.
Tundi kokën dhe u largua nga mikrofoni.
Pastaj dikush dha lajmin që Saimiri ka dhënë dorëheqjen.
DJ vuri një këngë popullore dhe filluam të kërcejmë nga gëzimi.
-Çfarë ka ndodhur, tha Luli, pse festoni?
-Ka ik Saimir Tahiri, i thamë ne. Ka dhënë dorëheqje.
-Mos, tha Luli. Të ndërpritet muzika. Duhet të fillojmë protestën. Nuk pranojmë dorëheqjen e Saimir Tahirit. Duam dorëheqjen e Edi Ramës.
-Po mire, i thashë unë, e kërkojmë të Edi Ramës, po mos të gëzohemi fare që iku Saimir Tahiri?
-Në asnjë mënyrë, tha Luli. Me se do hyjmë në fushatë ne, çfarë do themi? Ai e bën të na lërë pa kauzë. Në asnjë mënyrë.
Atëhere grupi i Pogradecit që kishte dezhurnin në çadër, ja mori një kënge të vjetër të Mokrës.
Doli more shokë doli
Brukseli maskën e çorri
Ngatërruan një formulë
pulë a vezë, a vezë a pulë …
Duam qeveri teknike,
Saje mos ik se na fike!
Lini një Përgjigje
Më të lexuarat
24 oret e fundit
Javen e fundit
Blog Tema
