Adnan Januzaj nuk do t’i bashkohet Përfaqësueses së Kosovës.
Në mediat belge, ka qarkulluar lajme se 22-vjeçari i Manchester United ka vendosur t’i bashkohet Kosovës.
Por, këto lajme i ka quajtur si dezinformata trajneri i përfaqësueses së Kosovës, Albert Bunjaki.
“Janë lajme të vjetra, nuk janë të vërtetë. Mos u merrni me to sepse janë dezinformata” ka thënë Bunjaki për Indeksonline.
Albert Bunjaki këto ditë është në punë intensive për përpilimin e listës me lojtarët që do të ftojë për ndeshjen e 11 qershorit me Turqinë në ‘Loro Boriçi’.