Te fundit
"Ari i zi", çfarë po ndodh me Rusinë dhe Arabia Saudite tek prodhimi i naftës?
29 Gusht 2017, 10:43Bota
TEMA
Rusia dhe Arabia Saudite po lobojnë për zgjatjen e marrëveshjes që kufizon prodhimin e naftës bruto. Shkurtimet pritet të zgjasin edhe për tre muaj, pra deri në fund të qershorit të vitit të ardhshëm.
Çështja u diskutua nga ministri rus i energjisë Alexander Novak dhe homologu i tij saudit Khalid Falih në Shën Petersburg muajin e kaluar, raportoi The Wall Street Journal duke cituar burimet e tij.
Të dy ministrat thuhet se kanë lobuar iniciativën gjatë bisedave të tyre me përfaqësuesit e anëtarëve të tjerë të marrëveshjes shkurtimin e prodhimit të naftës që nga takimi i korrikut.
Ministrat nuk u janë përgjigjur kërkesave të The Wall Street Journal për komente mbi këtë çështje.
Në vitin 2016, Organizata e Vendeve Eksportuese të Naftës (OPEC) arriti një marrëveshje në Vjenë për të reduktuar prodhimin e përditshëm të naftës gjatë gjysmës së parë të vitit 2017 në një përpjekje për të stabilizuar çmimet globale.
Marrëveshja u mbështet gjithashtu nga 11 shtete jo anëtare të OPEC, të cilat premtuan që së bashku të zvogëlojnë prodhimin e naftës me 558,000 fuçi në ditë. Në maj, marrëveshja u zgjat nga nëntë muaj, deri në mars 2018.
Lini një Përgjigje
Më të lexuarat
24 oret e fundit
Javen e fundit
Blog Tema
