Dëshmon vajza e badigardit shqiptar të ekzekutuar në Gjermani: Ja pse e vranë tim atë

Në procesin që po zhvillohet në Gjykatën e Landit në Verden lidhur me vrasjen nga hakmarrja që ka ndodhur në janarin e vitit të kaluar në Viselhövede, një dëshmitare 19 vjeçe ka konfirmuar atë që supozohej: se vrasja ka ndodhur nga gjakmarrja.

E gjithë tragjedia ka filluar më 30 dhjetor 2011 në Shqipëri.

Babai i dëshmitares, tashmë i vrarë, si punonjës i sigurisë në një diskotekë i kishte nxjerrë dy të rinj nga lokali.

Kur këta pas pak paraqiten sërish, në parkingun para diskotekës fillon sherri në mes tyre dhe rojës, me ç’rast ky i fundit qëllon njërin prej tyre për vdekje.

Policia po atë natë e ka bastisur shtëpinë e familjes ndërsa nënën e vajzës e ka këshilluar që të kishte kujdes për familjen e saj.

Qysh me rastin e varrimit të të riut të vrarë, njëri nga vëllezërit e tij ishte betuar se do të nxirrte hakun.

Ky vëlla dhe personi i vrarë janë kushëri të të akuzuarit për vrasjen e kryer nga hakmarrja, në procesin e Verdenit.

Ndërsa vajza që po dëshmon, tregon se së bashku me vëllezër e motra dhe me kushërinj, ishin strehuar te gjyshërit në fshat, raporton albinfo.ch.

Ndërkaq e ëma kishte mbetur të banonte në Tiranë ku, në gushtin e vitit 2012 kishte vdekur në mënyrë misterioze.

Familja e vajzës kishte provuar disa herë të merrej vesh me familjen tjetër.

“Janë dërguar pleqtë e fshatit si ndërmjetësues për të realizuar pajtimin dhe paqen mes familjeve. Por ata janë kthyer mbrapsht nga familja e të riut të vrarë”.

Në një gjendje të tillë, familja e saj është arratisur në Gjermani, ku nga fundi i vitit 2016 i është bashkuar edhe babai, pasi ka mbaruar vuajtjen e dënimit. Edhe pas kësaj kishin nisur përpjekjet për të arritur pajtimin, pasi familja e saj dëshironte të jetonte në paqe, thotë dëshmitarja.

Por, më 9 janar 2017, babai i saj qe qëlluar për vdekje, në mes të qytetit Viselhövede, fare pranë një shkolle fillore.

INTERVISTA / Gerti Pashja, numri dy i grupit të dënuar për terrorizëm: Islami zyrtar nuk është islam. Ja si na nxiti Berisha dhe pse demokracia është e keqe

09:40 Kronika

Vajza e Vebi Veliajt çon në Veting 20 gjyqtarë e Adriatik Llallën

09:17 Kronika

Ekskluzive: Çekia mbështet kryeprokuroren Arta Marku për rihetimin e CEZ

20:53 Kronika

Arta Marku, në “sitë” prokurorët

16:54 Kronika

HARTA e krimit për 2018, sa e ekspozuar është Shqipëria

14:24 Kronika

VIDEO: "Do vras veten po s'takova Arta Markun", Kryeprokurorja i pret në zyrë: Ja lëmë drejtësisë

14:15 Kronika

"Do vras vetën nëse s’takoj Arta Markun", një person kërcënon para Prokurorisë

13:03 Kronika

Kush është prokurori që do të hetojë dosjen “CEZ“?

12:01 Kronika

Aksident në qendër të Tiranës, urbani i Kombinatit përplas kalimtaren!!!!

09:34 Kronika

INTERVISTA/ U dënua 10 vjet për terrorizëm, biznesmeni shqiptar: Idiotizëm total, ja mendimi im për ISIS dhe prerjet e kokave “live”

09:27 Kronika