E PLOTË/ Duka: Kryeminstri nuk ka ndërhyrë në garë, jam më i miri për të drejtuar FSHF-në

Kreu aktual i FSHF-së, Armand Duka, ishte i ftuar në emisionin sportiv “Rubrika Sportive” në RTSH mbrëmjen e sotme për të folur rreth kandidimit të tij  dhe sukseseve që mund të ketë arritur në krye të këtij institucioni.

Duka u shpreh se  nuk është i vetmi që mund të drejtojë Federatën Shqiptare, por sipas tij me kandidaturat e paraqitura është më i miri, ndërsa foli dhe për akuzat e Finos për mos dorëzimin e listës së votuesve.

Numri një i institucionit të futbollit shqiptar foli dhe për ndërhyrjen e politikës ku deklaroi se Kryeministrin Rama nuk ka ndikuar në këtë process.

Më poshtë pjesët kryesore të deklaratave të Armand Dukës. (TemA)

“I kam dëgjuar akuzat e Finos se është një garë e padrejtë dhe kërkonte listën e delegatëve. Besoj se kush do të jetë delegatë pak a shumë dihet, nuk është diçka anormale e gjitha kjo. Lista e këtyre delegatëve do të shpërndahet së shpejti dhe këtu nuk ka një shkelje gare.

Nuk jam unë i vetmi që mund ta bëjë këtë detyrë, por unë kam qenë një ndër personat e vetëm që kam zgjedhur të jem në krye të Federatës.

E njoh shumë mirë futbollin, kam marrë shumë eksperiencë nga kjo kohë e gjatë që kam shërbyer për futbollin. Nuk jam i vetmi që mund ta bëjë këtë detyrë, por nga këto që janë paraqitur, them se jam më i miri”

Suksesi më i rëndësishëm

FSHF ka bërë shumë hapa përpara. Gjëja më e rëndësishme është konsolidimi i institucionit, që nga infrastruktura deri tek e gjitha si organizatë. Është ndryshuar infrastruktura në të gjithë Shqipërinë. Më parë FIFA dhe UEFA nuk financonin shumë para në Shqipëri, ndërsa tani po hedhin shumë para këtu.

Ne kemi filluar të liçensojmë trajnerë, teksa më parë nuk dihej se ku mund të bëhej shkolla e trajnerit. Liçensa që sot jep FSHF njihet në të gjithë botën. Më parë ka pasur vetëm një kampionat, sot i kemi të gjitha nivelet, të gjitha zonat dhe rajonet. Kampionate për të gjitha moshat. Kemi filluar futbollin e femrave, diçka e vështirë në Shqipëri. Kemi ekipe kombëtare me moshat e femrave.

Kemi rritur numrin e njerëzve dhe të fëmijëve që luajnë futboll në Shqipëri. Gjithashtu, kemi rritur edhe përfaqësimin e Shqipërisë në arenën ndërkombëtare, edhe me kalimin e tureve të ekipeve të Superiores në kupat e Europës.

Marrdhënia me Kosovën

Nuk mund ta fshehim se Shqipëria është në një nivel futbolli më të lartë se vendet fqinje. Çdo shqiptar që dëshiron të luajë për Shqipërinë, e ka derën e hapur, ndërsa ata që duan të luajnë për Kosovën, është zgjedhja e tyre. Raportet mes FSHF-së dhe Federatës së Futbollit të Kosovës janë shumë të mira. Nuk besoj se nuk do të kemi raport vëllazëror me Federatën e Kosovës. Kemi kontribuar për njohjen e Kosovës në UEFA dhe FIFA dhe raportet e mira do të vazhdojnë

Infrastruktura në Stadiume

Në stadiumin Elbasan Arena kemi investuar me qeverinë në një ndarje të barabartë 50 me 50. Në Shkodër, qeveria ka investuar pak më tepër se Federata. Ndërsa në stadiumin kombëtar i gjithë investimi është nga Federata Shqiptare e Futbollit.

Orientimi i investimeve është bërë i drejtë pasi Shqipëria i kishte të nevojshme ato stadiume. Duhet të kujtojmë faktin që Shqipëria e kishte pamundur të luante ndeshje në Shqipëri. Prandaj ndërtimi i tyre ishte i drejtë dhe kjo ka ardhur falë bashkëpunimit me qeverinë shqiptare. Do duheshin edhe 40 fusha sportive, patjetër, por Shqipëria nuk do luante dot më në vendin tonë

Klubi Dinamo

Dinamo ka qenë një klub i financuar nga Ministria e Brendshme. Tashmë është një formë tjetër drejtimi dhe investimi. Mua më vjen keq për atë ose ndonjë klub tjetër që nuk është në elitën e Shqipërisë, por kjo është ekonomia e tregut. Kush ka investuar më tepër, ajo do të fitojë më tepër. Bonusin nuk e meriton vetëm ky ekip, por shumë ekipe të tjera.

Stadiumet

Ne kemi menduar që për katër vitet e ardhshme të bëjmë investime duke pasur bashkëpunim me qeverinë, pushtetin lokal dhe investitorë të tjerë. Kemi menduar të rikonstruktojmë dy stadiume të tjerë, jo të ndërtojmë 5 stadiume të rinj. Mendojmë të pajisim stadiumet e Superligës me me ndriçim artificial.  Ndërtim të 70 mini-fushave të futbollit, ku mund të luajnë fëmijët. Kemi menduar ndërtim të ambienteve sportive për kategoritë e tjera, si përshembull për të verbërit

Ndikimi i Federatës në garë dhe mos krijimi i Ligës

Federata është thjesht organizatore, dhe menaxhojnë garat po ato arbitra dhe ish-lojtarë në Shqipëri. Gabojnë të gjithë, arbitrat, trajnerët, lojtarët. Mos të pretendojmë që nuk do ketë gabime. Niveli i lojës, niveli tekniko-taktik është rritur, po ashtu është rritur edhe organizimi nga klubet dhe nga vetë federata.

Federata ka marrë iniciativën që klubet të ulen në tavolinë dhe të diskutojnë. Liga mund të krijohet, por arbitrat do të jenë po ato. Arbitrat i cakton një komitet i caktuar. Liga nuk do ndryshojë nivelin e gjykimit. Liga duhet të bashkojë interesat e klubeve, për ta promovuar më shumë dhe të përfaqësojë interesat e të gjithëve.

Mungesa e një sponsori në Superiore dhe aksioner i një klubi shqiptar

Të gjithë klubet kanë sponsorë, në bluzë apo në tabela rreth fushës. Por, nuk ka një sponsor për emrin e Superiores. Shifrat që kanë ofruar kompanitë janë të papërfillshme për emrin e Superiores. Është propozuar një paketë, por nuk ka ndonjë ofertë serioze.

Unë jam aksioner në disa biznese, por nuk administroj asnjë. Të sponsorizosh një ekip futbolli, nuk ka asnjë të keqe.

Nuk ka asnjë konflikt interesi. FSHF ka marrë para. Gara ka qenë e hapur, dhe ka marrë maksimumin për atë kohë. Unë kam qenë një aksioner në minorancë.

Transparenca Me Skënderbeun

Federata bën publik vendimet e veta, ndërsa UEFA bën publik vendimet e saj. Nuk e kuptoj se çfarë kërkoni që Federata Shqiptare të publikoj vendimin e dënimit të Skënderbeut, kur këtë gjë e bënë vetë UEFA.

Ndërhyrja e Politikës

E gjithë shoqëria shqiptare është e politizuar. Në një bisedë më miqtë e mi ishim duke diskutuar edhe për bizneset private që sa të politizuara janë ato. Megjithëse do të donim që ndërhyrja të ishte 0, duket sikur politika është më e përfshirë në këtë rast.

Fakti që unë të kem simpati për fushata elektorale mua nuk ma ndalon njeri. Fillimisht unë jam një qytetar i këtij vendi, por nuk kam marrë pjesë në asnjë parti.

Nëse do të isha në vendin e Finos, do të dorëzoja të gjitha funksionet e mia dhe nuk do të ngarkoja me përgjegjësi partinë time. Do e nisja kështu një sfidë të re për jetën time. Nëse kandidimi im do të ishte një detyrë partie, atëherë do të veproja ndryshe. Kemi faktuar se njerëz të partisë si Bushati, Vangjush Dako, Erion Veliaj dhe shumë të tjerë janë duke u angazhuar për të fituar Fino. Ndërsa sa i përket kryeministrit nuk më rezulton që të ketë ndërhyrë në garë deri në këtë moment, pasi do ta shprehja publikisht këtë gjë

Shoqatat

Anëtarët me të drejtë vote janë 66 dhe ky numër nuk ka për të ndryshuar. Vetë Asambleja e Futbollit ka marrë një vendim në 2012 që këto janë anëtarët dhe kjo ka funksionuar për klubet e futbollit dhe shoqatat. Kjo nuk i cënon të drejtë e anëtarsisë asnjë prej tyre. Ata kanë votuar në çdo asamble dhe asnjë prej tyre nuk kanë qenë të rregjistruar në gjykatë. Askush nuk ia heq të drejtën e votës atyre përveç Asamblesë, nuk është në dorën e Presidentit të Federatës.

 Premtimet

E njoh shumë mirë nevojën e futbollit shqiptar dhe ajo që ka më tepër nevojë Shqipëria në futboll, është sistemi i edukimit. Ajo që kërkohet masivizimi i futbollit dhe rritja e kualitetit të tij. Gjithashtu do të stimulojmë talentet e reja të futbollit, duke financuar ushtrimin e futbollit edhe për lojtarët e rinj që nuk kanë mundësinë ekonomike të vazhdojnë ëndrrën e tyre. Infrastruktura do të përmirësohet akoma më tepër. Do të kërkohet kualifikimi i Shqipërisë në Europian dhe Botëror, por edhe kualifikimi me kombëtaret e moshave

Partizani nis përgatitjet për ndeshjen e Kupës, afrohet sulmuesi Abdurahimi

20:13 Sport

Milani vijon me formën e mirë, fiton ndaj Lazios

20:06 Sport

Bregu: Nuk rikthehem në Vlorë, ja kush ka meritën kryesore në sukseset e Luftëtarit

18:29 Sport

Seria A/ Napoli fiton dhe rimerr kreun e renditjes

17:10 Sport

Kategoria Parë/ Tirana e nis me fitore vitin, tripletë ndaj Shkumbinit

16:42 Sport

Skënderbeu firmos me dy “suedezë” dhe i huazon te Trepça 89′

15:58 Sport

Kamza, Imeri: Të sigurojmë sa më parë mbijetesën

15:16 Sport

Seria A/ Interi barazon dhe ndaj SPAL-it

14:56 Sport

Teuta afron në ekip një brazilian

13:09 Sport

Boavista mban pezull Kukësin për sulmuesin, Pakulkt e pret sa më parë

12:52 Sport