Andi Bushati nxjerr bllof live Shkëlzen Berishën për aferën korruptive me CEZ

Një e-mail i publikuar gjatë punimeve të komisionit hetimor parlamentar të drejtuar nga Taulant Balla për mënyrën se si u privatizua OSSH nga çekët e CEZ ka përfshirë në këtë çështje edhe Shkëlzenin, djalin e kryeministrit Sali Berisha.

Në këtë e-mail të datës 28 janar 2010 të dërguar nga kreu i CEZ në Tiranë, Jozef Hajsek për nëndrejtorin e CEZ në Pragë Tomas Pleskac flitet ndër të tjera për një takim që ky i fundit do të zhvillojë në Tiranë me kryeministrin Berisha dhe djalin e tij.

Në një ndërhyrje me telefon në emisionin “Të paekspozuarit” në Top Channel, Shkëlzen Berisha thotë se asgjë nuk është e vërtetë. Ai ka replikuar me analistin Andi Bushati që ndodhej në studio dhe që ngriti disa pyetje për çështjen.

“Ky takim as është kërkuar dhe as është zhvilluar kurrë. Edhe në atë letër flitet për një takim që do të zhvillohet. Unë nuk kam asnjë lidhje me asnjë nga këta persona. Nuk kam lidhje familjare, nuk kam lidhje biznesi, nuk ka udhëtuar me makinën e tyre, nuk ka ndonjë dëshmi që ata më kanë dhënë mua miliona” – tha Berisha.

Por Bushati i mëshoi faktit që takimi është zhvilluar pak muaj më pas, njëlloj siç thuhet në e-mailin e publikuar.

“Nga e-mail që është publikuar nuk thuhet që ju keni takuar dikë, por thuhet se ju keni ndërmjetësuar një takim me babain tuaj kryeministër. E-mail është dërguar dhe kjo është faktuar. Takimi ka ndodhur në 27 nëntor të atij viti, fiks siç është pretenduar në atë e-mail” – tha Bushati.

Shkëlzen Berisha mohoi sërish gjithçka duke këmbëngulur: “Çfarë thuhet në atë e-mail është e pavërtetë. Unë nuk i njoh këta persona dhe nuk kam të bëj me ta”.

Berisha u pyet edhe për thirrjen e tij në prokurori ku tha se kishte mbajtur të njëjtin qëndrim.

“A ka lidhje kjo çështje me babain tim? Unë besoj që babai im ka kaluar shumë në karrierën e tij politike për të ndjerë nga kjo. Kjo është një frikë e Edi Ramës nga skandalet e tij. Rama krijon shashka për të hequr vëmendje nga skandalet dhe droga” – tha Berisha.

Një javë më parë, Shkëlzen Berisha u thirr nga organi i akuzës për t’u pyetur për çështjen e privatizimit të OSSH ku u pyet për rreth 30 minuta.

Zbulohen shkeljet e Xhikës, drejtorit të LSI: Mori 35 milionë dollarë pa një studim për rrugën. Roli i ish ministrave Haxhinasto e Dervishaj

23:30 Politika

Ironia e Ramës: Peizazh opozitar gjatë votimit për ngritjen e KLP dhe KLGJ

23:26 Politika

Zv.kryeministrja Mesi si Donald Lu, ia thotë troç Vasilit të LSI: Jeni vendosur në rresht kundër reformës në drejtësi

23:22 Politika

Lobimi për takimin e CEZ me babain kryeministër? Shkëlzen Berisha flet nga jashtë vendit: Totalisht e pavërtetë (Me çfarë jeton ky njeri, 4 vite turizëm me bashkëjetuesen)

23:14 Politika

VIDEO/ Ekstradimi i Izet Haxhisë për vrasjen e Azemit, çfarë thoshte Berisha në vitin 2014 për ish truprojën e tij...

23:05 Politika

Burgosja e ish-zyrtarëve, Lubonja skeptik: Një fasadë për ndërkombëtarët, presion ndaj opozitës siç arrestoi Berisha, Nanon

21:30 Politika

Pas ngritjes së KLGJ dhe KLP, Donald Lu me mesazh të fortë ndaj PD e LSI: Politikanët e majtë dhe të djathtë kanë frikë…

20:58 Politika

Kuvendi ngre KLP e KLGJ, pavarësisht se opozita nuk voton 10 emrat. Kush janë anëtarët...

20:51 Politika

Izet Haxhia drejt arrestimit: Po kthehem në Shqipëri, ku mund të më eleminojnë. Por nuk kam frikë dhe nuk do hesht

19:37 Politika

Taulant Balla: Sali Berisha në hetim nga SHBA për Rapiskan, afera 250 milionë euro e skanimit

19:22 Politika