Te fundit
Kukësi, Koliçi: Shpresojmë ta zgjidhim brenda 90 minutave takimin me Tiranën
13 Shkurt 2018, 18:36Sport
TEMA
Enea Koliçi ka dhënë ditën e sotme një intervistë për sajtin zyrtar të ekipit të Kukësit.
Gardiani i kampionëve në fuqi, shprehet se nuk ka justifikime për humbjet që Kukësi po pëson në shtëpi. 32-vjeçari ka besim se ekipi mund të kualifikohet në kupë, pavarësisht formës së dobët që po kalon.
Pas barazimit në takimin e parë të luajtur në Tiranë, si e vlerësoni këtë takim?
Tirana është një nga ekipet më të mira në Shqipëri, pavarësisht se është në kategorinë e parë. Ndeshje mjaft e vështirë dhe rezultati 1 me 1 në Tiranë, të them të drejtën, na favorizon ne dhe do të përpiqemi të mos pësojmë në këtë takim.
Tanjeri praktikoi në stërvitje gjuajtje penalltish. Mendoni se do e zgjidhni brenda 90 minutave ndeshjen apo…?
Shpresojmë ta zgjidhim brenda 90 minutave të mos shkojmë në shtesë apo penallti, por jemi gjithësesi të pregatitur edhe për këto.
Momenti i një kthese kjo ndeshje ne Kukës?
Të them të drejtën këto ndeshje në Kukës kanë qënë një makth i vërtetë. Po mundohem të gjej nje justifikim por nuk e gjej dot. Shpresojmë që kjo situatë të ndryshojë, sepse nuk kemi më kohë.
Sot do të festoni ditëlindjen e 32 në Kukës, në një kohë me dëborë.
Shpresoj që në darkë të bëjmë një festë të bukur e të ngrohtë me shokët e ekipit, sepse në Kukës qenka shumë ftohtë sot.
Lini një Përgjigje
Më të lexuarat
24 oret e fundit
Javen e fundit
Blog Tema
