Kamza do të përballet nesër në një sfidë direkte për mbijetesën kundër Teutës në Niko Dovana.
Një takim i rëndësishëm për skuadrën e drejtuar nga Julian Ahmataj që do të synojnë që të marrin pikë nga kjo transfertë mjaft e vështirë.
Për të bërë të mundur këtë klubi ka menduar që në këtë transfertë të ketë me vete dhe tifozët për të dhënë mbështetjen e tyre.
Përmes një njoftimi në faqen zyrtare klubi i Kamzës bën me dije se ka vënë në dispozicion tre autobuzë për tifozët që të udhëtojnë falas drejt qytetit bregdetar për të mbështetur skuadrën e tyre në këtë momente të vështira.
Si Kamza ashtu dhe Teuta janë dy nga ekipet që rrezikojnë seriozisht rënien në Kategorinë e Parë.