Te fundit
Aktori Bruno Shllaku: Teatri i Ri i domosdoshëm, ky që kemi është stallë kuajsh
2 Korrik 2018, 12:21Kulturë
TEMA
Bruno Shllaku, një nga aktorët më të rëndësishëm të skenës shqiptare, shprehet se Teatri i ri Kombëtar duhet të fillojë të ndërtohet një orë e më parë dhe se ndërtimi i tij është puna më e mirë që po bën qeveria dhe Bashkia e Tiranës.
Sipas aktorit të njohur shkodran, teatri ekzistues u ndërtua nga Italia fashiste si kapanon ushtarësh dhe vetëm një godinë e re, bashkëkohore, do t’i japë vlerë Teatrit Kombëtar të Shqipërisë.
“Përsa i përket çështjes së Teatrit, më vjen keq se shumë nuk e dinë që është një godinë që i përket një stalle kuajsh, që Italia fashiste e ndërtoi për kapanon truprojesh.
Ajo vërtetë që ka vlera, por do të marrë vlera më të mëdha kur të bëhet një godinë e re, bashkëkohore që t’i përkasë Teatrit të Tiranës, i cili shumë shpejt do të jetë në bashkëbrinj me qytete të mëdha të Europës.
Reliket, figurat, objektet e suveniret e atij teatri, do të jenë në një seli të shenjtë si Teatri i Ri modern, që jam i bindur se do të ndërtohet”, thotë Shllaku, i cili aktualisht është angazhuar në një produksion të Hollivudit dhe një film mbi Hebrenjtë që do të xhirohet në Poloni.
Deklarata e plotë e aktorit:
“Puna më mirë që bën ndonjëherë qeveria shqiptare dhe Bashkia e Tiranës. Më vjen mirë që gjithmonë gjërat e mira vazhdojnë sipas traditës klasike, të lindin me vështirësi.
Kam parasysh për analogji momentin e parkut të Liqenit, kur u vërsulën i madh e i vogël me drurë e me shkopinj dhe mjete rrethanore për ta ndaluar të bëhej, dhe po ato njerëz vijnë dhe gjejnë qetësi dhe kënaqen ndoshta – ndoshta edhe mburren në heshtje.
Përsa i përket çështjes së Teatrit, më vjen keq se shumë nuk e dinë që është një godinë që i përket një stalle kuajsh, që Italia fashiste e ndërtoi për kapanon truprojesh.
Ajo vërtetë që ka vlera, por do të marrë vlera më të mëdha kur të bëhet një godinë e re, bashkëkohore që t’i përkasë Teatrit të Tiranës, i cili shumë shpejt do të jetë në bashkëbrinj me qytete të mëdha të Europës.
Reliket, figurat, objektet e suveniret e atij teatri, do të jenë në një seli të shenjtë si Teatri i Ri modern, që jam i bindur se do të ndërtohet.
Mos kujtojë ndokush se unë që nuk them teatri im, nuk e them sepse kam frikë. E them Teatri Im se ai është teatri ku unë kam dhënë shfaqje të ndryshme me shumë sukses, në atë skenë legjendare.
Jam dakord që Teatri i Ri të fillojë punën një orë e më parë dhe madje kam besim absolut te arkitekti që do vëjë dorë në teatër.
Më në fund ashtu siç kemi kishat dhe xhamitë, po ashtu edhe Teatri Kombëtar, duke e marrë si fe të shqiptarëve artin dramatik, le të ketë rëndësinë e vetë absolute mbi qytetarët dhe për qytetarët.”
3 komente në “Aktori Bruno Shllaku: Teatri i Ri i domosdoshëm, ky që kemi është stallë kuajsh”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
undefined
TE KY TEATER QE KA TIRANA AKTORET DUKEN SI GJELI QE KENDON NE MES TE PLERAVE, ESHTE NJE GODINE E TURPSHME QE ARTISTET DHE PUBLIKU NUK E MERITOJNE PRANDAJ URGJENTISHT DUHET PRISHUR BOLL ME PLERA.
Une degjova live PRIMO SHLLAKUN, ndoshta poeti me i madh shqiptar i kohes, ne protesten para teatrit dhe ai deklaroi krejt ndryshe nga ky Shllaku tjeter. Ai denoncoi qeverine Rama qe po prish per afera korruptive dhe me procedure te pershpejtuar teatrin i cili eshte nje tempull dhe tempujt as prishen dhe as tjetersohet trualli i tyre.
Ky Brunoja, ose eshte ndonje klon prej Shllaku, ose eshte genjeshter e radhes..