Te fundit
Jari i shkruan Fate Mediut: Iku koha ime kur kishte drejtësi!
31 Korrik 2018, 19:44Antena
TEMA
Jari u ngrit sot herët në mëngjes që të plotësonte normën e dy Twitter-ave në anglisht që i ka vënë Kunati.
Të parin e mori frymëzimin nga një deklaratë e Fate Mediut që thotë se tani në Shqipëri nuk ka më drejtësi.
Ju duk shumë e gjetur si deklaratë. Po mendohej si ta mblidhte në 140 gërma gjithë mendimin e tij për drejtësinë. E shkroi e rishkroi disa herë.
Pastaj mendonte sikur po ja lexonte Doktorit.
-Alo,- Bujari ju dëgjon. A mund të ta lexoj pak Twitter-in e parë.
-Po,- i thotë Doktori.
-Jam frymëzuar nga Fatja. E ka gjetur fiks që këtu nuk ka më drejtësi dhe po shkarkohen gjyqtarët që bënë drejtësi, ata që gjykuan “Gërdecin”, “21 Janarin”. Tani kanë ngelë vetëm të korruptuar.
-Dakord, ma lexo,- thotë Doktori.
“Rama shkarkon gjyqtarët e gjyqeve të mëdha, “21 Janarit”, “Gërdecit” dhe “Rrugës Kombit”. I trembet drejtësisë së vërtetë…
-Bujar shiko…dakord…mirë ti e di.
-Bujari ju kupton qartë,- i thotë ky…
E kuptoi që nuk i pëlqyen Doktorit. E nisi dhe një herë.
“Rama ka frikë nga gjyqtarët që gjykuan “Gërdecin”, “21 Janarin” ndaj i shkarkon me Vettingun. Krenar për Fate Mediun që kërkon drejtësi….”!
Kjo ju duk më cinike. Po e nis tha me vete pa u konsultuar me njeri dhe përfytyroi fytyrën e Doktorit kur ta lexonte.
-Po të dytin, përse ta bëj,- tha me vete. Ca ka ndodhur ndonjë gjë sot. Ah po Sali-anusi ka shkuar në Ebasan. I shkrepi një ide.
“Sali-anusi një djal i ri që i jep shpresë Elbasanit. Të gjithë i kanë sytë tek ai. Ky qytet ka shpresë”!
Fjalët i mjaftuan.
I postoi të dy në anglisht.
Dhe po i gëzohej vetes që arriti të gjejë dhe sot dy tema për Twitter.
Ndërkohë e telefonon Fate Mediu.
-E pashë Twitterin,- tha. Të përgëzoj për kurajon. Edi Ramës i duhen 100 vite të gjejë gjyqtarë të tillë burra, që mbyllnin çështjet me një llaf. Ke kapur thelbin.
-Patjetër,- i tha Jari. Iku koha ime kur kishte drejtësi. Të ndodhi tani një “Gërdec”, apo “21 Janar”, këta ngrenë duart, nuk gjejnë dot një njeri ta gjykojë. Ne i kishim në rradhë.
1 komente në “Jari i shkruan Fate Mediut: Iku koha ime kur kishte drejtësi!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Dy budallenjte e shekullit, I pari psikopat, I dyti legen pusht e vrases.