Te fundit
"Brexit": Theresa May përballet sot me kabientin
14 Nëntor 2018, 10:19Bota
TEMA
Kryeministrja britanike, Theresa May do të përballet me kabinetin e saj më vonë gjatë ditës, teksa synon të fitojë mbështetjen e kolegëve të saj për një draft marrëveshje për Brexitin në mes të Mbretërisë së Bashkuar dhe Bashkimit Evropian.
Ministrat e lartë do të mbledhen në zyrën e saj në Downing Street pasdite, pavarësisht thirrjeve për të kundërshtuar këtë marrëveshje, qoftë nga mbështetësit apo kundërshtarët e Brexitit.
Kryeministrja po ashtu është duke vazhduar takimet e ndara me secilin ministër.
Ndërkohë BBC, ka raportuar se disa anëtarë të kabinetit kanë shprehur “rezerva të mëdha”.
Megjithatë, ky draft po konsiderohet si moment i rëndësishëm në negociata në mes të Mbretërisë së Bashkuar dhe Brukselit.
Në kohën kur kanë qarkulluar lajmet se është arritur marrëveshje për draftin e parë, funta britanike është rritur në krahasim dollarin amerikan për 0.12 për qind si dhe ndaj euros për 0.16 për qind.
Në të njëjtën kohë, ambasadorët e 27 vendeve anëtare të BE-së do të diskutojnë marrëveshjen dhe ka mundësi të organizojnë një samit urgjent për ta nënshkruar atë.
Në referendumin e 23 qershorit më 2016, 17.4 milionë persona apo 51.9 për qind e votuesve kanë përkrahur largimin nga BE-ja derisa 16.1 milionë të tjerë apo 48.1 për qind të tjerë kanë votuar kundër Brexitit.
Britania pritet të largohet nga blloku evropian në mars të vitit 2019.
1 komente në ““Brexit”: Theresa May përballet sot me kabientin”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
E para, nuk eshte Kabienti po Kabineti…dhe kjo e dyta nuk ka asnje kuptim ne gjuhen shqipe…dhe gazetari te zgjohet nga gjumi dhe ta ndryshoje sa me shpejt qe shqiptaret te kuptoj kush jane keta te Kabinetit.