Ambasada gjermane "shuplakë" për Bashën dhe Kryemadhin: Parlamenti vendi kryesor për zhvillimin e debatit politik, mbështesim qeverinë e legjitimuar dhe mbajtësit e mandateve

Ambasada gjermane ka reaguar lidhur me situatën politike në vend.

Duke komentuar zhvillimet e fundit, ambasadorja e Gjermanisë në Tiranë Susanne Schütz, jep garanci për qeverinë aktuale dhe për deputetët që nuk kanë dorëzuar mandatin.

Diplomatia e lartë e Berlinit nënvizon se Parlamenti është vendi kryesor ku duhet të ngrihet debati.

Deklaratë e Ambasadores Schütz

Shqipëria gjendet përpara vendimmarrjes të rëndësishme të Bashkimit Evropian lidhur me nisjen e bisedimeve të anëtarësimit.

Ndaj tani nuk duhet humbur kohë, në mënyrë që reformat e nisura të vijojnë më tej dhe të arrihen rezultate të tjera konkrete në pesë prioritetet kyç.

Përshëndes faktin që – edhe pse ngadalë – reforma në drejtësi po ecën përpara në mënyrë të pandërprerë. Ajo është një sukses; ndaj procesit të reformave nuk ka alternativë, ai është i pakthyeshëm dhe unik në rajon.

E rëndësishme është që edhe Gjykata Kushtetuese dhe Gjykata e Lartë, si instrumenta të rëndësishëm korrektivë të shtetit ligjor, të mund të jenë së shpejti sërish funksionale.

Në këtë kontekst përpara duhet të çohet edhe ngritja e strukturës së SPAK-ut. Ne presim hapa të tjerë përpara edhe në luftën kundër krimit të organizuar dhe korrupsionit.

Të gjitha këto përpjekje janë të rëndësishme për të bindur shqiptaret dhe shqiptarët, por edhe investitorët e huaj, që drejtësia shqiptare garanton siguri ligjore.

Ne respektojmë vendimin e secilit deputet dhe të pasuesve të tyre në lista për dorëzimin, pranimin apo refuzimin e mandateve. Njëkohshëm theksoj, se në demokraci parlamenti është vendi kryesor për zhvillimin e debatit politik mes partive politike. Qeveria Federale do të vazhdojë të bashkëpunojë edhe në të ardhmen me qeverinë aktuale të legjitimuar në mënyrë demokratike si dhe mbajtësit e mandateve në Kuvend.

Shprehim keqardhjen e madhe, që megjithë bashkëpunimin fillimisht të mirë mes shumicës dhe opozitës, reforma zgjedhore deri më tani nuk është miratuar. Zbatimi i rekomandimeve të OSBE/ODIHR-it mbetet një komponent i rëndësishëm në ndërtimin e një sistemi zgjedhor solid në Shqipëri, i cili do mund të gëzojë besimin e qytetarëve.(TemA)

"Shteti nuk mbledh mollë dhe kumbulla", Rama kapet me qytetarin në Facebook

17:45 Politika

Poli i ri politik i opozitës, deputeti i ri tregon prapaskenat: Do ketë prurje të reja në Kuvend

16:47 Politika

Shpërthimet me tritol, reagon PD: Nuk e kemi bërë ne, neveri për propagandën e Edi Ramës

16:38 Politika

Zgjedhjet, PS dorëzon në KQZ listën e KZAZ-ve, Gjylameti: Do të jemi aty me vëmendjen tek njerëzit

16:25 Politika

VIDEO/ Basha: Jam me shumë vonesë... Protesta do të ketë pafund deri në largimin e Ramës

16:00 Politika

OSBE: Partitë të dorëzojnë emrat e komisionerëve në KZAZ, vonesat vënë në rrezik zhvillimin e zgjedhjeve

15:48 Politika

“Dorëzoni urgjent listat e komisionerëve”, PS i përgjigjet ultimatumit të KQZ, PD dhe LSI jo

15:01 Politika

VENDIMI/ Gjykata hap dosjen "Hajdari", flet avokati i Izet Haxhisë: Berisha në listë si dëshmitar, kemi prova të reja

13:47 Politika

Djegia e mandateve, Meta: Palët kanë nxituar dhe po nxitojnë për ta thelluar krizën, çështja të zgjidhet larg pazareve dhe keqpërdorimeve të ndonjë ndërkombëtari

13:22 Politika

Majko tregon pse s’mund të bëjë ndërmjetësin: Kriza, pasojë e mbylljes së ciklit të politikanëve të pas ’90-të, për zgjidhjen do vendosin ndërkombëtarët me imponim

13:18 Politika